A PHP Error was encountered

Severity: Warning

Message: file_get_contents(): http:// wrapper is disabled in the server configuration by allow_url_fopen=0

Filename: models/mod_vcount.php

Line Number: 24

A PHP Error was encountered

Severity: Warning

Message: file_get_contents(http://api.facebook.com/restserver.php?format=json&method=links.getStats&urls=https%3A%2F%2Fwww.facebook.com%2Fneakhmer%2F): failed to open stream: no suitable wrapper could be found

Filename: models/mod_vcount.php

Line Number: 24

A PHP Error was encountered

Severity: Warning

Message: file_get_contents(): https:// wrapper is disabled in the server configuration by allow_url_fopen=0

Filename: models/mod_vcount.php

Line Number: 37

A PHP Error was encountered

Severity: Warning

Message: file_get_contents(https://www.googleapis.com/youtube/v3/channels?part=statistics&id=UC59-tKbaaSembn7T9pZmQuA&key=AIzaSyDUlR94c9NDGFpGRwkDAZROdgX_bjEEYGE): failed to open stream: no suitable wrapper could be found

Filename: models/mod_vcount.php

Line Number: 37

NEA News Feeds

National Employment Agency

NEA News Feedsto the latest news feeds

ក្នុងខែមករា NEA ជួយស្វែងរកការងារធ្វើដល់ សិស្ស/និស្សិត និងអ្នកស្វែងរកការងារធ្វើបានចំនួនជាង៥០០នាក់

ក្នុងរយៈពេលមួយខែដើមឆ្នាំ២០១៨នេះ ទីភ្នាក់ងារជាតិមុខរបរ និងការងារ នៃក្រសួងការងារ និង​បណ្តុះបណ្តាលវិជ្ជាជីវៈបានជួយស្វែងរកការងារធ្វើដល់សិស្ស/និស្សិត និងអ្នកស្វែងរកការងារធ្វើ​បាន​ជាង៥០០នាក់។ ការជួយស្វែងរកការងាររបស់ NEA នេះដោយមានការសហការជាមួយក្រុមហ៊ុន​ផ្សេងៗដើម្បីរៀបចំវេទិកាការងារប្រចាំខែនៅទីភ្នាក់ងារជាតិមុខរបរ និងការងារដោយផ្ទាល់ និងមួយ​ចំនួនទៀតតាមរយៈមជ្ឈមណ្ឌលការងារទាំង១១ដែលនៅតាមបណ្តាខេត្ត។

ដោយសារការរក្សាបានស្ថេរភាពនយោបាយ និងកំណើនសេដ្ឋកិច្ច ព្រះរាជាណាចក្រកម្ពុជានៅតែបន្ត​ឆ្ពោះទៅមុខ ដែលស្តែងចេញតាមរយៈតម្រូវជ្រើសរើសបុគ្គលិក និងការបង្កើតការងារថ្មីៗពីសំណាក់​ក្រុមហ៊ុន/សហគ្រាសទាំងក្នុង និងក្រៅប្រទេសជូនដល់ប្រជាពលរដ្ឋកម្ពុជានៅទូទាំងប្រទេស។

លោក ផុន ធារ៉ាជានិស្សិតឆ្នាំទី៤ នៃសាកលវិទ្យាល័យភូមិន្ទភ្នំពេញជំនាញបរិស្ថានដែលទើបទទួលបាន​​​​ការងារនៅក្នុងក្រុមហ៊ុនទូរស័ព្ទ Cellcard ក្នុងខែមករានេះ បានលើកឡើងថា ជាច្រើនលើកច្រើនសារ​លោកតែងតែតាមដានពីព័ត៌មានជ្រើសរើសបុគ្គលិកតាមមធ្យោបាយផ្សេងៗ ក្នុងនោះមានតា​មរយៈ​គេហទំព័រនានា តែប្រព័ន្ធសង្គមដែលលោកតាមដានជាញឹកញាប់ជាងគេ គឺហ្វេសបុ​ករបស់NEA។ លោកបន្តថា៖ “ខ្ញុំមិននឹកស្មានថាខ្ញុំជាប់ការងារសោះ ព្រោះខ្ញុំជានិស្សិតមិនទាន់មានបទពិសោធន៍ការ​ងារនោះទេ តែខ្ញុំតែងតាមដានFacebookNEA ដើម្បីដឹងព័ត៌មានការងារ”

ស្រដៀងគ្នានេះដែរនិស្សិតសាកលវិទ្យាល័យបញ្ញាសាស្ត្រ កញ្ញា សន បុទុមបូណ៌មី ដែលទទួលបាន​ការងារក្នុងវេទិកាការងាររបស់ NEA ក្នុងខែមករានេះដែរ លើកឡើងថាកញ្ញាតែងតែចូលរួមវេទិកា​ការងាររបស់ទីភ្នាក់ងារជាតិ មុខរបរនិងការងារជាទូទៅកញ្ញាទទួលបានព័ត៌មាននេះតាមរយៈហ្វេសបុក របស់ទីភ្នាក់ងារជាតិមុខរបរនិងការងារ។ កញ្ញាបន្តថា៖ “នាងខ្ញុំមើលឃើញថា វាពិតជាមានភាពងាយ​ស្រួលណាស់សម្រាប់សិស្ស/និស្សិតដូចជាខ្ញុំ ព្រោះមិនពិបាកចំណាយពេលវេលាដើម្បីទៅដើរដាក់CV នៅតាមក្រុមហ៊ុន។ ការដាក់ពាក្យនៅតាមក្រុមហ៊ុន ចំណាយពេលវេលាពីមួយសប្តាហ៍ទៅ ពីរ​សប្តាហ៍ទើបខាងក្រុមហ៊ុនទំនាក់ទំនងមក តែនៅទីនេះដាក់CVភ្លាមបានសម្ភាសភ្លាម និងដឹងថា​ជាប់ឬធ្លាក់ភ្លាមតែម្តង”។

គួររំឭកថា ជារៀងរាល់ខែ NEA តែងរៀបចំវេទិកាការងារ និងសម្ភាសការងារ ដើម្បី​ជំរុញ​ឲ្យអ្នកស្វែង​រកការ​ងារ ​ទទួលបានឱកាស​ការងារ និងជ្រើសរើសបុគ្គលិក​ស្របតាមតម្រូវការរបស់ទីផ្សារការងារ។ យោ​ង​តាម​របាយការណ៍​ក្នុងឆ្នាំ២០១៧កន្លងទៅ ទីភ្នាក់ងារ​ជាតិ​មុខរបរ និងការរងារ(NEA) ​បានជួយរក​ការ​ងា​រធ្វើ​​​​ជូន​ប្រជា​​​ពលរដ្ឋ​​​​​​សរុប​ចំនួន,៤១២ នាក់បញ្ជូន​អ្នកស្វែង​រក​ការងារធ្វើទៅឱ្យ​និយោជកដែល​ត្រូវការកម្លាំង​ពលកម្ម​​​​​មាន​ចំនួន ១៦,០៧២ នាក់ បានចុះឈ្មោះអ្នកស្វែង​រក​ការងារសរុប​ចំនួន​១៤,៨២៨នាក់ និង​បាន​ប្រមូល​​ដំណឹង​ជ្រើស​រើសបុគ្គលិពីគ្រប់ប្រភពចំនួន ៨៥,៧០២ ការងារ។ 

សម្រាប់យុវជន សិស្ស/និស្សិត ដែលមានបំណងចង់ស្វែងរកការងារ ឬចង់បានបទពិសោធន៍ក្នុងការ​ស្វែងរកការងារប្រកបដោយប្រសិទ្ធភាព អាចទាក់ទងមជ្ឈមណ្ឌលការងាររាជធានីភ្នំពេញតាម​រយៈលេខទូរស័ព្ទ ០១៦ ៧៨ ៦៦ ៥៥ទំព័រ facebookneakhmer ឬគេហទំព័រ www.nea.gov.kh​និង​មជ្ឈមណ្ឌលការងារដែលជាអ្នកផ្តល់​សេវាជួរមុខនៅតាមរាជធានី-ខេត្តចំនួន១១រួម​មាន៖ រាជធានី​ភ្នំពេញ ខេត្តបាត់ដំបង សៀមរាប កំពត ស្វាយរៀង តាកែវ កំពង់ចាម កំពង់ធំ ព្រៃវែង បន្ទាយមានជ័យ និងព្រះសីហនុ៕

By 2, Jan 29, 2018 03:01 pm

Previouse news