ក្រុងបាងកក៖ លោក Vallop Vitanakorn អនុប្រធានសហព័ន្ធឧស្សាហកម្មថៃ (FTI) បានថ្លែងថា ក្រុមហ៊ុននាំចេញមួយចំនួនបានរងផលប៉ះពាល់ខ្លាំង ពីការឡើងថ្លៃប្រាក់បាតនៅខែមេសានេះ ដែល តាមធម្មតា ជាពេលមួយដែលក្រុមហ៊ុនបរទេសដាក់ការបញ្ជាទិញសម្រាប់វិស័យវាយនភ័ណ្ឌ ទំនិញ ប្រើប្រាស់ និងផលិតផលសំខាន់ៗផ្សេងទៀត។ ការឡើងថ្លៃប្រាក់បាតបានបង្កផលវិបាកកាន់តែខ្លាំង ដល់ក្រុមហ៊ុននាំចេញក្នុងការស្រង់ (quote) តម្លៃលក់។ វិធានការតឹងរ៉ឹងដែលក្រុមហ៊ុននាំចេញ ចង់បានរួមមាន ការកាត់បន្ថយអត្រាការប្រាក់បណ្តោះអាសន្ន ១ភាគរយ និងការដាក់បម្រាមទៅលើ លំហូចូលមូលធនបរទេស ដែលព្យាយាមស្វែងរកប្រាក់ចំណេញពីបម្រែបម្រួលអត្រាប្តូរប្រាក់រយៈ ពេលខ្លី ដែលយ៉ាងហោចណាស់ រយៈពេលពីរខែ ហើយបន្តដល់៦ខែបើសិនជាចាំបាច់។

ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃចន្ទ ទី២៩ ខែមេសា ឆ្នាំ ២០១៣

ក្រុងប៉េកាំង៖ ប្រទេសចិនបានវ៉ាដាច់អាល្លឺម៉ង់ និងអាមេរិក ជាប្រភពទេសចរដ៏ធំបំផុតរបស់ពិភពលោក បន្ទាប់ពីចំនួននៃការធ្វើដំណើរទៅក្រៅស្រុករបស់ពលរដ្ឋចិនកើនឡើង ១៨,៤ភាគរយ កាលពីឆ្នាំទៅ។ លោក Ma Yiliang អ្នកស្រាវជ្រាវទេសចរណ៍ចិននៅទីក្រុងប៉េកាំងបាននិយាយកាលពីម្សិលមិញថា អ្នកទេសចរទៅក្រៅប្រទេសរបស់ចិនកើនឡើងដល់៨៣,២លាននាក់កាលពីឆ្នាំទៅ។

ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃសុក្រ ទី២៦ ខែមេសា ឆ្នាំ ២០១៣

ក្រុងបាងកក៖ ធនាគារកណ្តាលថៃចាត់វិធានការរួចរាល់ហើយក្នុងការបង្អង់កំណើនប្រាក់បាត ទោះបី លំហូរទុនបរទេសក្នុងរយៈពេលពីរបីខែមុននេះ បានផ្លាស់ប្តូរទៅរកការទិញមូលបត្ររយៈពេលវែង។ ប្រាក់បានកើនឡើងខ្ពស់បំផុតនៅអាស៊ីក្នុងឆ្នាំនេះ ដោយកើនឡើង៦ភាគរយ បើធៀបនឹងប្រាក់ដុល្លារ។

ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃសុក្រ ទី២៦ ខែមេសា ឆ្នាំ ២០១៣

ក្រុងសេអ៊ូល៖ សេដ្ឋកិច្ចរបស់ប្រទេសកូរ៉េខាងត្បូងបានកើនឡើងក្នុងអត្រា ០,៩ភាគរយ នៅត្រីមាស ដំបូងឆ្នាំនេះបើធៀបនឹងអត្រា០,៣ភាគរយនៅត្រីមាសចុងក្រោយឆ្នាំ ២០១២ ខណៈការនាំចេញមាន សភាពល្អប្រសើរ។ កំណើននេះគឺជាការកើនឡើង ប្រចាំត្រីមាសដ៏ខ្លាំងបំផុតតាំងពីត្រីមាសដំបូងឆ្នាំ ២០១១ ដែលនៅពេលនោះបានកើនឡើង១,៣ភាគរយ ហើយកំណើននេះទំនងជាធ្វើឲ្យប៉ះពាល់ ដល់ការរំពឹងទុក របស់ធនាគារកណ្តាលក្នុងការសម្រេចលើការ កាត់បន្ថយអត្រាការប្រាក់នៅពេល ក្រោយក្នុងឆ្នាំនេះ។

ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃសុក្រ ទី២៦ ខែមេសា ឆ្នាំ ២០១៣

ប្រ៊ុយណេ៖ ប្រធានកិច្ចប្រជុំកំពូលអាស៊ានគឺព្រះអង្គម្ចាស់ Hassanal Bolkiah បានមានព្រះបន្ទូលថា សមាគមអាស៊ានបានសម្រេចគោលដៅរបស់ខ្លួនដែលពាក់ព័ន្ធនឹងទីផ្សាររួមបានជាង ៣ភាគ៤ រួច ហើយគិតចាប់ពីចាប់ផ្តើមដំណើរការនេះនៅក្នុងឆ្នាំ ២០០៧ ប៉ុន្តែព្រះអង្គក៏បានសារភាពផងដែរថា ឧបសគ្គនៅតែកើតមាន។ ការពិភាក្សានេះមានការលំបាកបំផុតដោយសារបញ្ហាការគាំពារនិយម។

ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃសុក្រ ទី២៦ ខែមេសា ឆ្នាំ ២០១៣