ព័ត៌មានសេដ្ឋកិច្ច ក្នុងនិងក្រៅប្រទេស
home latest
ការផ្គត់ផ្គង់ខុនដូថ្មីនៅទីផ្សារបាងកកបន្តកើនឡើងនៅត្រីមាសទី២
ក្រុងបាងកក៖ ក្រុមហ៊ុនប្រឹក្សាយោបល់អចលនទ្រព្យ Colliers International Thailand បានឱ្យដឹងថា ការផ្គត់ផ្គង់ខុនដូដែលបានប្រកាសដាក់លក់ថ្មីនៅត្រីមាសទី២ បានបន្តកើនឡើងនៅទីក្រុងបាងកក ដោយការប្រកាសដាក់លក់នេះភាគច្រើនធ្វើឡើងនៅខែមិថុនា បន្ទាប់ពីស្ថានការណ៍នយោបាយមានភាពច្បាស់លាស់។
ប្រភពៈ ព័ត៌មានរបស់កាសែតភ្នំពេញ ប៉ុស្តិ៍ ចេញផ្សាយថ្ងៃព្រហស្បតិ៍ ទី១១ ខែកក្កដា ឆ្នាំ ២០១៩
ប៉ូឡូញជំរុញឱ្យចិនវិនិយោគបន្ថែមនិងលុបចោលរបាំងពន្ធ
ក្រុងវ៉ាសូវី៖ រដ្ឋមន្រ្តីក្រសួងការបរទេសប្រទេសប៉ូឡូញ កាលពីថ្ងៃចន្ទបានជំរុញឱ្យប្រទេសចិនវិនិយោគកាន់តែច្រើនថែមទៀតនៅតំបន់អឺរ៉បកណ្តាល និងទម្លាក់ចោលឧបសគ្គពន្ធនាំចូល ខណៈដែលសមភាគីរបស់លោកបានស្វែងរកការធានាថា ទីក្រុងវ៉ាសូវីនឹងពិចារណាលើបច្ចេកវិទ្យា 5G ដ៏ចម្រូងចម្រាសរបស់ទីក្រុងប៉េងកាំង។
ប្រភពៈ ព័ត៌មានរបស់កាសែតភ្នំពេញ ប៉ុស្តិ៍ ចេញផ្សាយថ្ងៃពុធ ទី១០ ខែកក្កដា ឆ្នាំ ២០១៩
ធនាគារកណ្តាលចិន កំពុងប្រឹងប្រែងដាក់ដំណើរការរូបិយប័ណ្ណឌីជីថល
ក្រុងប៉េកាំង៖ មន្រ្តីជាន់ខ្ពស់ចិនមួយរូបបានឱ្យដឹងកាលពីថ្ងៃចន្ទថា ធនាគារកណ្តាលចិនកំពុងបង្កើនល្បឿនកិច្ចប្រឹងប្រែងរបស់ខ្លួន ក្នុងការដាក់ឱ្យប្រើប្រាស់រូបីយប័ណ្ណឌីជីថលដែលគាំទ្រដោយរដ្ឋាភិបាល សំដៅធានាបានតួនាទីដ៏ទំនើបបំផុតក្នុងការប្រកួតប្រជែងរូបិយប័ណ្ណឌីជីថលពិភពលោក។
ប្រភពៈ ព័ត៌មានរបស់កាសែតភ្នំពេញ ប៉ុស្តិ៍ ចេញផ្សាយថ្ងៃពុធ ទី១០ ខែកក្កដា ឆ្នាំ ២០១៩
អាមេរិកដកហូតពន្ធថ្មីលើដែកម៉ិកស៊ិក និងចិន
ក្រុងវ៉ាស៊ីនតោន៖ សហរដ្ឋអាមេរិកកាលពីថ្ងៃចន្ទបានប្រកាសដកហូតពន្ធថ្មីៗទៅលើទំនិញដែករបស់ប្រទេសម៉ិកស៊ិកនិងចិន ដោយនិយាយថា ប្រទេសទាំងនោះបានជួយក្រុមហ៊ុនផលិតរបស់ខ្លួនជាមួយនឹងការផ្តល់ឧបត្ថម្ភធន។ សេចក្តីសម្រេចនេះកើតមានឡើង ២ខែ បន្ទាប់ពីលោកប្រធានាធិបតីអាមេរិក ដូណាល់ ត្រាំ បានយល់ព្រមលុបចោលពន្ធលើដែក និងអាលុយមីញ៉ូមដែលនាំចូលពីម៉ិកស៊ិក និងកាណាដា បន្ទាប់ពីប្រទេសទាំង៣ បានព្រមព្រៀងពាណិជ្ជកម្មអាមេរិក ដែលត្រូវបានកែប្រែថ្មី។
ប្រភពៈ ព័ត៌មានរបស់កាសែតភ្នំពេញ ប៉ុស្តិ៍ ចេញផ្សាយថ្ងៃពុធ ទី១០ ខែកក្កដា ឆ្នាំ ២០១៩
ធនាគារធំបំផុតរបស់អាល្លឺម៉ង់កាត់បន្ថយការងារ ១៨ ពាន់កន្លែង
ក្រុងហ្រ្វែហ្វឺត៖ ធនាគារ Deutsche Bank ដែលជាធនាគារធំជាងគេរបស់ប្រទេសអាល្លឺម៉ង់ បានឱ្យដឹងកាលពីថ្ងៃអាទិត្យថា ខ្លួននឹងកាត់បន្ថយការងារចំនួន ១៨ ០០០ កន្លែងនៅត្រឹមឆ្នាំ២០២២។ ធនាគារនេះ បានឱ្យដឹងទៀតថា ការកាត់បន្ថយការងារនេះនឹងជួយកាត់បន្ថយការចំណាយប្រចាំឆ្នាំបានចំនួន ៦ពាន់លានអឺរ៉ូ (៦,៧ ពាន់លានដុល្លារ)។ ក្នុងរយៈពេលប៉ុន្មានឆ្នាំមកនេះ ធនាគារនេះ បានកាត់បន្ថយបុគ្គលិកប្រហែល ៦០០០កន្លែងរួចហើយ។
ប្រភពៈ ព័ត៌មានរបស់កាសែតភ្នំពេញ ប៉ុស្តិ៍ ចេញផ្សាយថ្ងៃអង្គារ ទី៩ ខែកក្កដា ឆ្នាំ ២០១៩