ព័ត៌មានសេដ្ឋកិច្ច ក្នុងនិងក្រៅប្រទេស

home latest
ខេត្តតាកែវ និងកណ្តាល នឹងមានរោងចក្រថ្មីៗចំនួន ៤ ដែលអាចផ្តល់ការងារជាង ៦ពាន់កន្លែង

គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា បានសម្រេចចេញវិញ្ញាបនបត្រចុះបញ្ជីជាស្ថាពរ ជូនដល់ក្រុមហ៊ុនចំនួន ៤ ដែលមានទុនសរុបប្រមាណជា ២០លានដុល្លារអាមេរិក និងអាចបង្កើតការងារជូនប្រជាពលរដ្ឋខ្មែរចំនួន ៦ ២៩៩នាក់ ដែលស្ថិតនៅក្នុងខេត្តតាកែវ និងខេត្តកណ្តាល។ ក្រុមហ៊ុនទាំងនោះរួមមាន៖

១.​«GUOHUILUGGAGE TRAVELING PRODUCTS (CAMBODIA) CO., LTD» គម្រោងបង្កើតរោងចក្រផលិតកាបូបគ្រប់ប្រភេទ ដែលមានទីតាំងវិនិយោគស្ថិតនៅភូមិឃ្លាំងសម្បត្តិ ឃុំពត់សរ ស្រុកបាទី ខេត្តតាកែវ មានទុនវិនិយោគប្រមាណ ៥,២៤លានដុល្លារអាមេរិក និងអាចបង្កើតការងារបានចំនួន ១ ០៦៩កន្លែង។

២.«GLOWING VALUE (CAMBODIA) BAG & LUGGAGE CO., LTD»​ គម្រោងបង្កើតរោងចក្រផលិតកាបូបគ្រប់ប្រភេទ ដែលមានទីតាំងវិនិយោគស្ថិតនៅភូមិត្រពាំងឫស្សី ឃុំទំនប់ធំ ស្រុកពញាឮ ខេត្តកណ្តាល មានទុនវិនិយោគប្រមាណ ៤,១៨លានដុល្លារអាមេរិក និងអាចបង្កើតការងារបានចំនួន ២ ១៦៨កន្លែង។

៣.«PEEVI INDUSTRY (CAMBODIA) CO.,LTD» គម្រោងបង្កើតរោងចក្រផលិត​កាបូបគ្រប់ប្រភេទ ដែលមានទីតាំងវិនិយោគស្ថិតនៅភូមិឃ្លាំងសម្បត្តិ ឃុំពត់សរ ស្រុកបាទី ខេត្តតាកែវ មានទុនវិនិយោគប្រមាណ ៥,២៤លានដុល្លារអាមេរិក និងអាចបង្កើតការងារបានចំនួន ១ ០៩៦កន្លែង។

៤.«HILLTOP LUGGAGE (CAMBODIA) CO.,LTD» គម្រោងបង្កើតរោងចក្រផលិត​កាបូបគ្រប់ប្រភេទ ដែលមានទីតាំងវិនិយោគស្ថិតនៅផ្លូវជាតិលេខ ២១B ភូមិអន្លង់សាន ឃុំព្រែកស្តី ស្រុកកោះធំ ខេត្តកណ្តាល មានទុនវិនិយោគប្រមាណ ៦,៤១លានដុល្លារអាមេរិក និងអាចបង្កើតការងារបានចំនួន ១ ៩៦៦កន្លែង។

ប្រភពៈ ព័ត៌មានរបស់គេហទំព័រ Business Cambodia ចេញផ្សាយថ្ងៃអង្គារ ទី១៥ ខែមករា ឆ្នាំ ២០១៩


កម្ពុជាគ្រោងចំណាយ ៦,៧ពាន់លានដុល្លារក្នុងឆ្នាំ២០១៩ នេះ

ភ្នំពេញ៖ យោងទៅលើច្បាប់ថវិកាឆ្នាំ២០១៩ ដែលបានអនុម័តរួចហើយនោះ កម្ពុជាគ្រោងនឹងចំណាយ ៦,៧ពាន់លានដុល្លារអាមេរិក ដែលមានកំណើន ១១,៤% ធៀបនឹងច្បាប់ថវិកាឆ្នាំ២០១៨ ហើយក្នុងនោះដែរ កម្ពុជាមានថវិកាប្រមាណ ៨០% នៃការចំណាយ និងបានត្រៀមរួចរាល់ហើយសម្រាប់ទទួលកម្ចីពីបរទេសប្រមាណ ២០% ទៀត ដើម្បីបង្រ្គប់នូវការខ្វះខាតរបស់ខ្លួន។

ប្រភពៈ ព័ត៌មានរបស់កាសែតកោះសន្តិភាពចេញផ្សាយថ្ងៃពុធ ទី១៦ ខែមករា ឆ្នាំ ២០១៩


ធនាគារ SME អាចដំណើរការនៅចុងឆ្នាំ២០១៩ នេះ

ភ្នំពេញ៖ ធនាគារ SME ដែលជាសហគ្រាសរដ្ឋថ្មីមួយមានដើមទុនដំបូង ១០០លានដុល្លារ សម្រាប់ផ្តល់កម្ចីដល់សហគ្រាសខ្នាតតូច និងមធ្យម អាចនឹងបើកដំណើរការនៅចុងឆ្នាំនេះ ខណៈដែលរដ្ឋាភិបាលបានអនុម័តកញ្ចប់ថវិការួចរាល់ដើម្បីដំណើរការគម្រោងនេះ។ នេះបើយោងតាមមន្ត្រីជាន់ខ្ពស់ក្រសួងសេដ្ឋកិច្ច និងហិរញ្ញវត្ថុ (MEF)។

ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃពុធ ទី១៦ ខែមករា ឆ្នាំ ២០១៩


កម្ពុជាគ្រោងទាក់ទាញទេសចរចិន ៥លាននាក់នៅឆ្នាំ២០២៥

ភ្នំពេញ៖ នៅក្នុងពិធីបើកការដ្ឋានសាងសង់ផ្លូវក្រវាត់ក្រុងទី៣ នាព្រឹកថ្ងៃទី១៤ ខែមករា កន្លងមក។ ប្រមុខរាជរដ្ឋាភិបាលកម្ពុជា សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានមានប្រសាសន៍ថា កម្ពុជាគ្រោងទាក់ទាញទេសចរចិនឱ្យបាន ៥លាននាក់នៅឆ្នាំ២០២៥ ខាងមុខ។ នៅឆ្នាំ២០១៨ កន្លងមកនេះ កម្ពុជាទទួលបានភ្ញៀវទេសចរអន្តរជាតិចំនួន ៦,២លាននាក់ ក្នុងនោះភ្ញៀវទេសចរចិនបានកើនពី ១,២លាននាក់កាលពីឆ្នាំ២០១៧ ទៅ ១,៦លាននាក់នៅឆ្នាំ២០១៨។

ប្រភពៈ ព័ត៌មានរបស់កាសែតកោះសន្តិភាពចេញផ្សាយថ្ងៃអង្គារ ទី១៥ ខែមករា ឆ្នាំ ២០១៩


គ្រឹះស្ថានអង្គរនឹងបង្ហាញតួលេខលក់សំបុត្រភ្លាមៗ

ភ្នំពេញ៖ គ្រឹះស្ថានអង្គរបានធ្វើទំនើបកម្មប្រព័ន្ធលក់សំបុត្ររបស់ខ្លួនឱ្យកាន់តែទំនើបស្របតាមស្តង់ដារអន្តរជាតិ ដោយនឹងបង្ហាញតួលេខសំបុត្រចូលទស្សនាភ្លាមៗនៅលើគេហទំព័រ​ថ្មីដែលបានដំណើរការជាមួយនឹង ៥ ភាសា ជាអ្វីដែលស្ថាប័ននេះលើកឡើងថា ធ្វើឡើងក្នុងគោលបំណងធានាតម្លាភាព និងគណនេយ្យភាព។ នៅឆ្នាំ២០១៨ ឧទ្យានអង្គរបានស្វាគមន៍ភ្ញៀវទេសចរអន្តរជាតិជិត ២,៦លាននាក់ រកប្រាក់ចំណូលបាន ១១៦,៤លានដុល្លារ។

ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃអង្គារ ទី១៥ ខែមករា ឆ្នាំ ២០១៩


  • ចំនួនអ្នកធ្វើដំណើរឆ្លងកាត់ព្រលានយន្តហោះទាំង៣ កើនលើស ១០លាននាក់
  • ការនាំចេញអង្កររបស់កម្ពុជានៅតែបន្តធ្លាក់ចុះ
  • ទុនវិនិយោគផ្នែកសំណង់លំនៅឋានក្នុងឆ្នាំ២០១៨ ថយចុះ
  • ការនាំចេញរបស់តំបន់សេដ្ឋកិច្ចពិសេសក្រុងព្រះសីហនុកើនជិត ៧០%
  • ក្រុមហ៊ុន JIANGSU គ្រោងដាំកប្បាសសាកល្បងលើកទី២
  • PAL គ្រោងហោះហើរត្រង់មកកម្ពុជា
  • តម្លៃស្រូវបង្ហាញពីភាពល្អប្រសើរនៅរដូវ ២០១៨-១៩
  • ឆ្នាំ២០១៨ ទិន្នផលម្រេចកំពត និងតម្រូវការទីផ្សារធ្លាក់ចុះ
  • ការនាំចូលថាមពលអគ្គិសនីរបស់កម្ពុជាថយចុះ
  • សេដ្ឋកិច្ចកម្ពុជារីកចម្រើនឈរនៅលំដាប់ទី៦ លើពិភពលោក