ព័ត៌មានសេដ្ឋកិច្ច ក្នុងនិងក្រៅប្រទេស

home latest
ពាណិជ្ជកម្មទ្វេភាគីកម្ពុជា និងឥណ្ឌូនេស៊ី កើនដល់ $៧៩២ លាន

ភ្នំពេញ៖ ទិន្នន័យពីក្រសួងពាណិជ្ជកម្មបង្ហាញថា ទំហំពាណិជ្ជកម្មទ្វេភាគីរវាងកម្ពុជា និងឥណ្ឌូនេស៊ីកើនឡើងដល់កម្រិតខ្ពស់បំផុតដល់ជាង ៧៩២លានដុល្លារកាលពីឆ្នាំមុន កើនឡើង ៤៥,៧៥ភាគរយ ធៀបនឹងឆ្នាំ២០១៨ មានតម្លៃ ៥៤៣លានដុល្លារ។ ទិន្នន័យនេះបង្ហាញថា ប្រទេសកម្ពុជាបាននាំចេញផលិត​ផលមានតម្លៃប្រហែល ២២,៣២លានដុល្លារកាលពីឆ្នាំមុន កើនឡើង ៣,៩៦ភាគរយ ធៀបនឹង២០១៨ ខណៈការនាំចូលមានតម្លៃ ៧៧០លានដុល្លារ កើនឡើង ៤៧,៤៦ភាគរយ។

ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃព្រហស្បតិ៍ ទី២៦ ខែមីនា ឆ្នាំ២០២០


ជើងហោះហើរទៅមកកម្ពុជា បានធ្លាក់ចុះជាង ៤០ភាគរយ

ភ្នំពេញ៖ សេចក្តីរាយការណ៍របស់តំណាងប៉ុស្តិ៍នគរបាលច្រកទ្វារអាកាសយានដ្ឋានទាំង៣ របស់កម្ពុជាបានឱ្យដឹងថា កាលពីខែធ្នូ ឆ្នាំ២០១៩ មានជើងហោះហើរអន្តរជាតិចូលមកកម្ពុជាសរុប ៤ ២៤១ ប៉ុន្តែនៅខែមីនានេះមានតែ ២ ៥៧៥ជើងប៉ុណ្ណោះ ថយចុះប្រមាណ ៤០ភាគរយ។ ចំណែកអ្នកដំណើរអន្តរជាតិមានចំនួន ៣៦២ ៤១៤នាក់ ខណៈក្នុងខែមីនា បានតែ ១៧០ ៣៨៧នាក់ ថយចុះ ៥៥ភាគរយ។

ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃពុធ ទី២៥ ខែមីនា ឆ្នាំ២០២០


ធនាគារអភិវឌ្ឍន៍ជនបទ ចុះអនុស្សរណៈយោគយល់គ្នាជាមួយ CFMA

ភ្នំពេញ៖ ធនាគារអភិវឌ្ឍន៍ជនបទ និងកសិកម្ម (ARDB) បានចុះហត្ថលេខាលើអនុស្សរណៈយោគយល់គ្នាជាមួយសមាគមអ្នកផលិតចំណីអាហារកម្ពុជា (CFMA) ក្នុងគោលបំណងបញ្ចេញប្រាក់កម្ចីដែលខ្លួនបានដាក់ចេញចំនួន ៥០ លានដុល្លារ សម្រាប់ផ្តល់ឱ្យសហគ្រាសខ្នាតតូច និងមធ្យមក្នុងការពង្រីកអាជីវកម្ម និងផលិតកម្មរបស់ពួកគេ។ លោក កៅ ថាច អគ្គនាយក​ធនាគារ ARDB បាន​ឲ្យ​ដឹងថាមូលនិធិនេះនឹងជួយជំរុញដល់ការនាំចេញរបស់កម្ពុជា និងកាត់បន្ថយការនាំចូល ខណៈកម្ពុជាកំពុងរងផលប៉ះពាល់ពីការរីករាលដាលជំងឺកូវីដ ១៩។​

ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃពុធ ទី២៥ ខែមីនា ឆ្នាំ២០២០


កម្ពុជា និងរុស្ស៊ី សន្យាបង្កើនទំហំពាណិជ្ជកម្មទ្វេភាគី

ភ្នំពេញ៖ កម្ពុជា និងរុស្ស៊ីបានសន្យាថា បង្កើនពាណិជ្ជកម្មទ្វេភាគី និងការវិនិយោគរវាងប្រទេសទាំង២ ពិសេសការបង្កើនការចូលទៅសហភាពសេដ្ឋកិច្ចអឺរ៉ុបអាស៊ី (EAEU) សម្រាប់ការធ្វើពិពិធកម្មទីផ្សាររបស់ប្រទេសនេះ។ កាលពីឆ្នាំមុនពាណិជ្ជកម្មទ្វេភាគីរវាងប្រទេសទាំង២ មានចំនួន ៥៥,៣៩លានដុល្លារ ហើយយើងសង្ឃឹមថានឹងបន្តកើនឡើងនៅឆ្នាំនេះ ខណៈកម្ពុជាស្វាគមន៍ភ្ញៀវទេសចររុស្ស៊ីប្រហែល ៥៥ ៦៥៣ នាក់ ពីឆ្នាំ២០១៩។

ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃអង្គារ ទី២៤ ខែមីនា ឆ្នាំ២០២០


កម្ពុជា និងវៀតណាម ឯកភាពគ្នាដោះដូរទំនិញនៅក្នុងតំបន់ស

ភ្នំពេញ៖ កម្ពុជា និងវៀតណាមបានសម្រេចឱ្យមានការដោះដូរទំនិញត្រង់តំបន់ស នៃច្រកព្រំដែនអន្តរជាតិបាវិត-ម៉ុកបៃ ដើម្បីផ្ទេរទំនិញគ្នាទៅវិញទៅមក បន្ទាប់ពីរដ្ឋាភិបាលនៃប្រទេសទាំង២ បានសម្រេចបិទច្រកព្រំដែន ដើម្បីបង្ការការរីករាលដាលកូវីដ ១៩។ សេចក្តីសម្រេចនេះធ្វើឡើងក្នុងកិច្ចប្រជុំកាលពីសប្តាហ៍មុនដែលដឹកនាំដោយ លោក គុណ ញឹម អគ្គនាយកនៃអគ្គនាយកដ្ឋានគយ និងរដ្ឋាករកម្ពុជា ព្រមទាំងលោក ម៉ែន វិបុល អភិបាលខេត្តស្វាយរៀងជាមួយនឹងអាជ្ញាធរវៀតណាម។ នេះបើតាមសេចក្តីប្រកាសព័ត៌មានរបស់អគ្គនាយកដ្ឋានគយ។

ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃចន្ទ ទី២៣ ខែមីនា ឆ្នាំ២០២០


  • NBC ជំរុញឱ្យទូទាត់តាមអនឡាញបន្ថយហានិភ័យកូវីដ ១៩
  • CDC អនុម័តគម្រោងវិនិយោគ ៧លានដុល្លារ
  • កម្ពុជា និងជប៉ុនប្តេជ្ញារក្សាទំហំពាណិជ្ជកម្មទ្វេភាគីជាង $២ពាន់លាន
  • ការនាំចេញផលិតផលធ្វើដំណើរ កើនដល់ $១,២ពាន់លាន
  • ការដាក់ពាក្យស្នើសុំគម្រោងសាងសង់ ២ខែ កើនជិតទ្វេដង
  • RDB បញ្ចេញកម្ចី ៥០លានដុល្លារសម្រាប់វិស័យ SME
  • ADB ប្តេជ្ញាបន្តគាំទ្រដល់វិស័យកសិកម្មកម្ពុជា
  • រដ្ឋាភិបាលនឹងទាញយកថាមពលពីសំរាមឱ្យបាន ៥០មេហ្គាវ៉ាត់
  • កប៉ាល់ ១២គ្រឿងដឹកវត្ថុធាតុដើមបម្រើឱ្យវិស័យកាត់ដេរនឹងមកដល់ចុងសប្តាហ៍នេះ
  • ក្រុមប្រឹក្សាអភិវឌ្ឍន៍កម្ពុជាអនុម័តគម្រោងវិនិយោគ ៤បន្ថែម