ព័ត៌មានសេដ្ឋកិច្ច ក្នុងនិងក្រៅប្រទេស

home latest
KOICA បង្កើតមណ្ឌលបណ្តុះបណ្តាលនៅកម្ពុជា

ភ្នំពេញ៖ ទីភ្នាក់ងារសហប្រតិបត្តិការអន្តរជាតិកូរ៉េ (KOICA) និងក្រសួងអប់រំកម្ពុជា កាលពីម្សិលមិញបានចុះហត្ថលេខាលើកំណត់ហេតុនៃកិច្ចពិភ្សា ដើម្បីបើកដំណើរការជាផ្លូវការគម្រោងបង្កើតប្រព័ន្ធបណ្តុះបណ្តាលធុរកិច្ចរវាងសាកលវិទ្យាល័យ និងវិស័យឧស្សាហកម្មនៅកម្ពុជា។ គម្រោងនេះត្រូវបា​ន​បង្កើតឡើងដើម្បីបង្កើតការចាប់ផ្តើមប្រព័ន្ធអេកូ និងបណ្តាញទីផ្សារនៅកម្ពុជា តាមរយៈការអភិវឌ្ឍប្រព័ន្ធមួយក្នុងការជំរុញការបង្កើតក្រុមហ៊ុនថ្មី នៅតាមបណ្តាសាកលវិទ្យាល័យ​នានាដែលឈានមុខគេនៅកម្ពុជា ដែល KOICA គ្រោងនឹងបង្កើតមជ្ឈមណ្ឌលបណ្តុះបណ្តាលធុរកិច្ចថ្មីកម្ពុជា-កូរ៉េ (CKIC) នៅសាកលវិទ្យាល័យភូមិន្ទភ្នំពេញ និងវិទ្យាស្ថានបច្ចេកវិទ្យាកម្ពុជា ជាមួយនឹងថវិកាសរុបប្រមាណ ៧លានដុល្លារ សម្រាប់រយៈពេល ៥ឆ្នាំ ចាប់ពីឆ្នាំ២០១៩ ដល់ឆ្នាំ២០២៣។

ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃសុក្រ ទី១៥ ខែមីនា ឆ្នាំ ២០១៩


មន្ត្រីជាន់ខ្ពស់ក្រសួងពាណិជ្ជកម្ម៖ ការជំរុញពាណិជ្ជកម្មនៃការនាំចេញ-ចូលផលិតផលរវាងកម្ពុជា-ជប៉ុន ជាចំណែកក្នុងការជំរុញកំណើនសេដ្ឋកិច្ច

ភ្នំពេញ៖ ឯកឧត្តម សំ សិរីរតន៍ រដ្ឋលេខាធិការក្រសួងពាណិជ្ជកម្មបានឱ្យដឹងថា ការជំរុញពាណិជ្ជកម្មការនាំចេញ-នាំចូល រវាងកម្ពុជា-ជប៉ុន ជាចំណែកមួយក្នុងការជំរុញកំណើនសេដ្ឋកិច្ច វិនិយោគ និងទេសចរណ៍របស់ប្រទេសកម្ពុជា។ តម្លៃនៃការនាំចេញទំនិញពីជប៉ុន​មកកម្ពុជាមានទឹកប្រាក់ ៣៥៨,០៧៤ពាន់លានដុល្លារ ចំណែកទំនិញកម្ពុជានាំទៅជប៉ុនវិញមានទឹកប្រាក់ ១,២៦២,៨៩៨ពាន់ដុល្លារក្នុងឆ្នាំ២០១៧។

ប្រភពៈ ព័ត៌មានរបស់គេហទំព័រ Fresh News ចេញផ្សាយថ្ងៃពុធ ទី១៣ ខែមីនា ឆ្នាំ ២០១៩


ទំហំពាណិជ្ជកម្មកម្ពុជា-កូរ៉េខាងត្បូង កើនឡើងជាលំដាប់ នៅរយៈពេល ១០ឆ្នាំចុងក្រោយនេះ

ភ្នំពេញ៖ យោងតាមទិន្នន័យផ្លូវការដែលបណ្តាញព័ត៌មាន Fresh News ទទួលបានពីក្រសួងពាណិជ្ជកម្មបានបញ្ជាក់ថា ចាប់តាំងពីឆ្នាំ២០០៩ ដល់ ឆ្នាំ២០១៨ ទំហំពាណិជ្ជកម្មកម្ពុជា-កូរ៉េខាងត្បូង បានកើនឡើងគួរឱ្យកត់សំគាល់។ នៅឆ្នាំ២០០៩ ទំហំពាណិជ្ជកម្មរវាងប្រទេសទាំងពីរ មានទឹកប្រាក់ចំនួនជាង ២១៨លានដុល្លារ ក្នុងនោះកម្ពុជានាំចេញទៅកូរ៉េជាង ៩៣លានដុល្លារ ចំណែកកូរ៉េនាំចូលមកកម្ពុជាវិញជាង ២០៩លានដុល្លារ។ នៅឆ្នាំ២០១៨ ទំហំពាណិជ្ជកម្មនៃប្រទេសទាំង២ មានចំនួនជាង ៧៤៦លានដុល្លារ ក្នុងនោះកម្ពុជានាំចេញទៅកូរ៉េចំនួនជាង ២០២លានដុល្លារ ខណៈកូរ៉េនាំចូលមកកម្ពុជាវិញមានចំនួនជាង ៥៤៣លានដុល្លារ។ ទំនិញដែលកម្ពុជានាំចេញទៅកូរ៉េខាងត្បូងមានសំលៀកបំពាក់ គ្រឿងអេឡិកត្រូនិក ស្បែកជើង ភេសជ្ជៈ កាបូប កៅស៊ូ ឱសថ និងក្រដាសកាតុង។ ខណៈទំនិញដែលកម្ពុជានាំចូលពីកូរ៉េច្រើនបំផុតមាន ក្រណាត់ត្បាញ រថយន្តដឹកទំនិញ ភេសជ្ជៈ គ្រឿងអេឡិកត្រូនិក គ្រឿងម៉ាស៊ីន វត្ថុតុបតែងលម្អផ្ទះ ឱសថ សាប៊ូ និងផលិតផលប្លាស្ទិក។

ប្រភពៈ ព័ត៌មានរបស់គេហទំព័រ Fresh News ចេញផ្សាយថ្ងៃព្រហស្បតិ៍ ទី១៤ ខែមីនា ឆ្នាំ ២០១៩


ខេត្តចំនួន ៤ ទទួលបានសិទ្ធិអំណាចសម្រាប់ចេញវិញ្ញាបនបត្របញ្ជាក់ប្រភពដើមទំនិញ

ភ្នំពេញ៖ ក្រសួងពាណិជ្ជកម្មបានផ្ទេរសិទ្ធិអំណាចដល់មន្ទីរពាណិជ្ជកម្មតាមខេត្តចំនួន ៤ នៃតំបន់ត្រីកោណអភិវឌ្ឍន៍អាចចេញវិញ្ញាបនបត្របញ្ជាក់ប្រភពដើមទំនិញ CO ទម្រង់ D ដើម្បីសម្រួលដល់ពាណិជ្ជករ និងកសិករ នៅតាមព្រំដែនក្នុងការនាំចេញផលិតផល និង​​កសិផល។ ខេត្តចំនួន ៤ ដែលក្រសួងបានធ្វើប្រតិភូកម្មជូននេះមាន ខេត្តត្បូងឃ្មុំ ក្រចេះ ស្ទឹងត្រែង និងខេត្តមណ្ឌលគិរី ដែលខេត្តជាប់ព្រំដែនកម្ពុជា ឡាវ វៀតណាម។

ប្រភពៈ ព័ត៌មានរបស់កាសែតកោះសន្តិភាពចេញផ្សាយថ្ងៃចន្ទ ទី១១ ខែមីនា ឆ្នាំ ២០១៩


ពលករខ្មែរនៅបរទេសមានជាង ១,២លាននាក់ និងនាំចំណូលមកស្រុកជាង ២,៣ប៊ីលានដុល្លារក្នុងមួយឆ្នាំ

ភ្នំពេញ៖ ឯកឧត្តម អ៊ិត សំហេង រដ្ឋមន្ត្រីក្រសួងការងារបណ្តុះបណ្តាលវិជ្ជាជីវៈ បានលើកឡើងថា គិតត្រឹមឆ្នាំ២០១៨ មានពលករ ពលការិនីខ្មែរជាង ១,២លាននាក់ (ស្រីជិត ៥សែននាក់) ដែលកំពុងធ្វើការនៅតាមបណ្តាប្រទេសនានា។ ចំណូលដែលពលករខ្មែរទាំងនោះបានផ្ញើមកផ្ទះមានជាង ២,៣ប៊ីលានដុល្លារ ក្នុងមួយឆ្នាំៗ។ ពេលត្រឡប់មកកម្ពុជាវិញ ពួកគេថែមទាំងមានជំនាញ និងវិជ្ជាជីវៈថែមទៀត។

ប្រភពៈ ព័ត៌មានរបស់គេហទំព័រថ្មីៗចេញផ្សាយថ្ងៃពុធ ទី៦ ខែមីនា ឆ្នាំ ២០១៩


  • ផលិតផលឧស្សាហកម្មកម្ពុជាមានទំហំទឹកប្រាក់ជាង ១៣ពាន់លានដុល្លារក្នុងឆ្នាំ២០១៨
  • ធនាគារ SMES របស់រាជរដ្ឋាភិបាលនឹងជួយ SMES ដែលគ្មានលទ្ធភាពខ្ចីលុយពីធនាគារមានឱកាសទទួលឥណទានមានការប្រាក់ទាប
  • ការនាំចូលសម្ភារសំណង់កើនខ្លាំងណាស់
  • អាកាសចរណ៍ហ្វីលីពីន សម្ពោធបើកជើងហោះហើរត្រង់មកកម្ពុជា
  • CDC សម្រេចឱ្យក្រុមហ៊ុន២ ដែលមានទុនជិត ៩លានដុល្លារ វិនិយោគលើផលិតផលកាបូប
  • បុណ្យទន្លេកំពង់ឆ្នាំងនឹងទាក់ទាញទេសចរ ៥០ម៉ឺននាក់
  • កម្ពុជាចំណាយជាង $៤០០លានទៅលើឧបករណ៍អេឡិចត្រូនិក
  • ក្រសួងពាណិជ្ជកម្មដាក់ឱ្យដំណើរការសាកល្បងការផ្តល់វិញ្ញាបនបត្របញ្ជាក់ប្រភពដើមទំនិញទម្រង់ D នៅខេត្តក្រចេះ ស្ទឹងត្រែង និងមណ្ឌលគិរី
  • កម្ពុជាទទួលបានចំណូលជាង ៤,៣ពាន់លានដុល្លារពីទេសចរអន្តរជាតិ
  • ឆ្នាំ២០១៨ គយ និងរដ្ឋាកររកចំណូលបាន ២,៥ពាន់លានដុល្លារ កើនជាង ៣០%