ព័ត៌មានសេដ្ឋកិច្ច ក្នុងនិងក្រៅប្រទេស

home latest
តើឱកាសវិនិយោគសម្រាប់វិនិយោគិនកម្ពុជានៅក្នុងប្រទេសនេប៉ាល់មានលើវិស័យអ្វីខ្លះ?

ភ្នំពេញ៖ ខណៈទំហំពាណិជ្ជកម្មរវាងកម្ពុជា និងប្រទេសនេប៉ាល់នាពេលបច្ចុប្បន្ននេះមានប្រមាណតែជាង២០ម៉ឺនដុល្លារអាមេរិកក្នុងមួយឆ្នាំ ប្រទេសទាំងពីរចាប់ផ្តើមចងសម្ព័ន្ធភាពពាណិជ្ជកម្ម និងការវិនិយោគទៅវិញទៅមក។ ក្នុងនោះ លោក លឹម ហេង អនុប្រធានសភាពាណិជ្ជកម្ពុជា និងតំណាងវិស័យឯកជនបានឱ្យដឹងថា ឱកាសវិនិយោគសម្រាប់វិនិយោគិនកម្ពុជានៅក្នុងប្រទេសនេប៉ាល់មានដូចជាវិស័យហិរញ្ញវត្ថុ ផ្សារទំនើប និងហាងកាហ្វេជាដើម ហើយវិនិយោគិនកម្ពុជាក៏មានលទ្ធភាព និងសមត្ថភាពក្នុងការបណ្តាក់ទុកវិនិយោគក្នុងវិស័យទាំងនេះផងដែរ។

ប្រភពៈ ព័ត៌មានរបស់កាសែតកោះសន្តិភាព ចេញផ្សាយថ្ងៃព្រហស្បតិ៍ ទី១៦ ខែឧសភា ឆ្នាំ ២០១៩


ពាណិជ្ជកម្មរវាងកម្ពុជា និងអង់គ្លេសនៅបន្តភាពខ្លាំងនៅឆ្នាំ២០១៨

ភ្នំពេញ៖ សេចក្តីប្រកាសព័ត៌មានរបស់ក្រសួងពាណិជ្ជកម្មបានបង្ហាញកាលពីម្សិលមិញថា ពាណិជ្ជកម្មទ្វេភាគីរវាងកម្ពុជា និងចក្រភពអង់គ្លេស នឹងនៅបន្តរឹងមាំបើទោះបីជាអង់គ្លេសនឹងត្រូវចាកចេញពីសហភាពអឺរ៉ុបក៏ដោយ។ ពាណិជ្ជកម្មទ្វេភាគីរវាងប្រទេសទំាងពីរបានកើនលើស១ពាន់លានដុល្លាររួចទៅហើយកាលពីឆ្នាំមុន កើនឡើងពី៥០០លានដុល្លារកាលពីឆ្នាំ២០១២។

ប្រភពៈ ព័ត៌មានរបស់កាសែតភ្នំពេញ ប៉ូស្តិ៍ ចេញផ្សាយថ្ងៃព្រហស្បតិ៍ ទី០៩ ខែឧសភា ឆ្នាំ ២០១៩


កំណើនវិស័យសំណង់កំពុងជំរុញអាជីពស្ថាបត្យកម្ម

ភ្នំពេញ៖ លោក ស៊ីន សុជាតិ ប្រធានសមាគមស្ថាបត្យករកម្ពុជាបានឱ្យដឹងថា ការរីកចម្រើននៃវិស័យសំណង់នៅកម្ពុជាបានទាក់ទាញក្រុមហ៊ុនផ្នែកស្ថាបត្យកម្ម និងរចនាទាំងក្រុងស្រុក និងបរទេសលេចឡើងយ៉ាងច្រើននាពេលបច្ចុប្បន្ន ដែលកំណើននេះមានទំនាក់ទំនងយ៉ាងជិតស្និទ្ធជាមួយបច្ចេកវិទ្យា។ លោក៏បានបន្ថែមទៀតថា ពីមុនការងារស្ថាបត្យកម្មមិនសូវគេឱ្យតម្លៃទេរហូតមានអ្នកខ្លះគិតថាវាជាការងាររបស់វិស្វករទៀតផង តែនៅពេល​នេះមានម្ចាស់សំណង់ជាច្រើនបានមករកស្ថាបត្យករឱ្យជួយទោះត្រូវចំណាយលុយច្រើនក៏ដោយ។ ទីផ្សារការងារស្ថាបត្យកម្មបច្ចុប្បន្នកំពុងមានដំណើរការល្អ។

ប្រភពៈ ព័ត៌មានរបស់កាសែតភ្នំពេញ ប៉ូស្តិ៍ ចេញផ្សាយថ្ងៃព្រហស្បតិ៍ ទី០៩ ខែឧសភា ឆ្នាំ ២០១៩


កម្ពុជាជម្រុញវិនិយោគិនជប៉ុនបង្កើនការវិនិយោគនៅកម្ពុជា ខណៈការនំាចេញពីកម្ពុជាទៅ ជប៉ុនកើនឡើងជាង ២៧ ភាគរយ

ភ្នំពេញ៖ អង្គការពាណិជ្ជកម្មក្រៅប្រទេសរបស់ជប៉ុន (JETRO) បានឱ្យដឹងថា ទំហំពាណជ្ជ-​កម្មរវាងកម្ពុជា-ជប៉ុន ក្នុងឆ្នាំ២០១៨ កន្លងមកគឺមានទំហំកើនឡើងគួរឱ្យកត់សម្គាល់។ ជាក់ស្តែង សម្រាប់ការនំាចេញពីកម្ពុជាទៅជប៉ុនមានការកើនឡើងចំនួន ២៧,៣ភាគរយ។ កម្ពុជាបាននំាមុខទំនិញសំខាន់ៗទៅទីផ្សារជប៉ុនរួមមាន សម្លៀកបំពាក់ ស្បែកជើង គ្រឿងអេឡិចត្រូនិច និងថ្មទូរស័ព្ទដៃរជាដើម។​ បន្ថែមពីនេះ​ ថ្នាក់ដឹកនាំក្រសួងពិណិជ្ជកម្មនៃកម្ពុជាបាននឹងកំពុងជម្រុញធុរជនជប៉ុនចូលមកបណ្តាក់ទុន និងធ្វើធុរកិច្ចថែមទៀតនៅកម្ពុជា ដើម្បីបង្កើនទំហំពាណិជ្ជកម្មទ្វេភាគី។

ប្រភពៈ ព័ត៌មានរបស់កាសែតកោះសន្តិភាព ចេញផ្សាយថ្ងៃពុធ ទី០៨ ខែឧសភា ឆ្នាំ ២០១៩


ROYAL GROUP បើកការដ្ឋានសាងសង់ខុនដូ២៨ជាន់

ភ្នំពេញ៖ គម្រោងអភិវឌ្ឍន៍ Royal Platinum Condominium កម្ពស់២៨ជាន់​ដែលជាការ​វិនិយោគរួមគ្នារវាងក្រុមហ៊ុន Royal Group របស់លោក គិត ម៉េង ជាមួយក្រុមហ៊ុនមកពីសិង្ហបុរី Hong Lai Huat Group Limited បានចាប់ផ្តើមសាងសង់កាលពីម្សិលមិញដោយគ្រោងនឹងបញ្ចប់នៅចុងឆ្នាំ២០២១។ Royal Platinum Condominium ដែលមានទីតាំងក្នុងសង្កាត់បឹងកក់១ ខណ្ឌទួលគោកនេះរួមមានបន្ទប់ស្នាក់នៅសរុប ៨៥១ យូនីត និងមានហាងអាជីវកម្ម ៥០យូនីត។

ប្រភពៈ ព័ត៌មានរបស់កាសែតភ្នំពេញ ប៉ូស្តិ៍ ចេញផ្សាយថ្ងៃពុធ ទី០៨ ខែឧសភា ឆ្នាំ ២០១៩


  • រ៉ូយ៉ាល់គ្រុបនឹងក្រសួងប្រៃសណីយ៍ចុះ MOU អភិវឌ្ឍឌីជីថល
  • WB: ការនំាចេញរបស់កម្ពុជាទៅ EU នឹងថយចុះ
  • MOODY: កម្ពុជានឹងបានប្រយោជន៍ច្រើនពីគម្រោង BRI
  • ចរាចរណ៍ទំនិញឆ្លងកាត់កំពង់ផែព្រះសីហនុកើន១៦% នៅត្រីមាសទី១
  • អាមេរិកវិនិយោគ៧០លានដុល្លារបង្កើនគោលដៅទេសចរណ៍សំខាន់ៗបន្ទាប់ពីអង្គរវត្ត
  • កម្ពុជាហាក់ទទួលបានផលផ្លែផ្កាច្រើនផ្នែកសេដ្ឋកិច្ចពីវេទិកាខ្សែក្រវាត់ និងផ្លូវ លើកទី២ នៅប្រទេសចិន
  • IMF កោតសរសើរពីការអភិវឌ្ឍវិស័យហិរញ្ញវត្ថុនៅកម្ពុជា
  • ចំណូល SCG កើន៩ភាគរយនៅត្រីមាសទី១
  • ក្រសួងៈ ក្រុមហ៊ុនអាចនំាចេញចេកដោយផ្ទាល់ទៅកាន់ទីផ្សារចិន
  • UN ដាក់ដំណើរការគម្រោងលើកកម្ពស់សហគ្រិនស្ត្រី