ព័ត៌មានសេដ្ឋកិច្ច ក្នុងនិងក្រៅប្រទេស
home latest
កម្ពុជានាំចេញជ័រកៅស៊ូធ្លាក់ជិត ៥០ភាគរយ ក្នុងខែកុម្ភៈ
ភ្នំពេញ៖ រដ្ឋាភិបាលបានធ្វើការកែសម្រួលតម្លៃសេវាសាធារណៈចំនួន ៣ ប្រភេទ ដើម្បីជំរុញការចុះបញ្ជីពាណិជ្ជកម្ម និងជំរុញការវិនិយោគទាំងក្នុងស្រុក និងក្រៅស្រុកផងដែរ។ បើយោងតាមប្រកាសរបស់អន្តរក្រសួងគឺក្រសួងសេដ្ឋកិច្ច និងហិរញ្ញវត្ថុ និងក្រសួងពាណិជ្ជកម្មបានឲ្យដឹងថា រដ្ឋាភិបាលសម្រេចកែសម្រួលតម្លៃសេវាសាធារណៈលើប្រភេទសេវាចំនួន ៣ គឺការស្នើសុំចុះឈ្មោះនៅក្នុងបញ្ជីពាណិជ្ជកម្មរបស់ក្រុមហ៊ុនពាណិជ្ជកម្ម ដែលតម្លៃសេវាថ្មី ១ ០១០ ០០០ រៀល ខណៈកាលពីមុនមានតម្លៃ ១ ៦៨០ ០០០ រៀល។ រីឯសហគ្រាសឯកត្តបុគ្គល ឬពាណិជ្ជករត្រូវបានចុះបញ្ជីក្នុងតម្លៃត្រឹម ១៨០ ០០០ រៀល ចុះតម្លៃពី ៣០០ ០០០ រៀល និងការពិនិត្យនាមករណ៍ក្រុមហ៊ុន សហគ្រាសមានតម្លៃ ២៥ ០០០ រៀលចុះពី ៤០ ០០០ រៀល។ ប្រកាសនេះឲ្យដឹងថា សេចក្តីសម្រេចនេះចាប់អនុវត្តចាប់ពីថ្ងៃទី ១ ខែមេសា តទៅ។
ប្រភពៈ ព័ត៌មានរបស់គេហទំព័រកាសែតភ្នំពេញប៉ុស្តិ៍ចេញផ្សាយថ្ងៃចន្ទ ទី៦ ខែមេសា ឆ្នាំ២០២០
៣ ខែដើមឆ្នាំនេះ កម្ពុជានាំចេញកសិផលបានជិត ៣លានតោន
ភ្នំពេញ៖ បីខែដំបូងនៃឆ្នាំ២០២០ កម្ពុជា នាំចេញផលិតផលកសិកម្មទាំងផ្លូវការ និងក្រៅផ្លូវការ បាន ២,៩៣៦,៩៩២តោន។ ចំនួននេះ កើនឡើងប្រមាណ ២០ភាគរយ បើធៀបនឹងរយៈពេលដូចគ្នាកាលឆ្នាំ២០១៩។ នេះបើយោងតាមលទ្ធផលនៃការនាំចេញកសិផលកម្ពុជា ក្នុងរយៈពេល៣ខែ ដើមឆ្នាំ២០២០ របស់ក្រសួងកសិកម្ម រុក្ខាប្រមាញ់ និងនេសាទ។
ប្រភពៈ ព័ត៌មានរបស់គេហទំព័រថ្មីៗចេញផ្សាយថ្ងៃអាទិត្យ ទី៥ ខែមេសា ឆ្នាំ២០២០
កម្ពុជានាំចេញជ័រកៅស៊ូធ្លាក់ជិត ៥០ភាគរយ ក្នុងខែកុម្ភៈ
ភ្នំពេញ៖ កម្ពុជានាំចេញជ័រកៅស៊ូ បានជិត១៣,៨៦៣តោន ក្នុងខែកុម្ភៈ។ ចំនួននាំចេញនេះ គឺធា្លក់ជិត៥០ភាគរយ បើធៀបនឹងការនាំចេញជ័រកៅស៊ូ ប្រចាំខែមករា ឆ្នាំ២០២០ ដែលមានចំនួនជាង២,៧ម៉ឺនតោន។ នេះបើតាមការចុះផ្សាយក្រសួងកសិកម្មរុក្ខាប្រមាញ់ និងនេសាទ នៅថ្ងៃទី៣១មីនា។
ប្រភពៈ ព័ត៌មានរបស់គេហទំព័រថ្មីៗចេញផ្សាយថ្ងៃសៅរ៍ ទី៤ ខែមេសា ឆ្នាំ២០២០
ព្រឹទ្ធសភាអនុម័តគម្រោងអគ្គិសនីតម្លៃជាង $១,៧ពាន់លាន
ភ្នំពេញ៖ ព្រឹទ្ធសភាបានអនុម័តលើគម្រោងសាងសង់រោងចក្រអគ្គិសនីដំណើរការដោយធ្យូងថ្មចំនួន ២ និងខ្សែបញ្ជូនថាមពលអគ្គិសនីដែលមានតម្លៃរួម ១,៧ ពាន់លានដុល្លារកាលពីថ្ងៃម្សិលមិញ ដើម្បីបើកផ្លូវឲ្យក្រុមហ៊ុនទទួលបានសម្បទានចាប់ផ្ដើមដំណើរការសាងសង់ ហើយដែលនេះគឺផ្នែកមួយក្នុងការជួយឲ្យរដ្ឋាភិបាលសម្រេចបាននូវបេសកកម្មរបស់ខ្លួនក្នុងការផ្ដល់ថាមពលដែលអាចទុកចិត្តបាន និងបង្កើនប្រភពថាមពលបន្ថែមចន្លោះពីឆ្នាំ២០២០ ដល់ឆ្នាំ២០៣០។ គម្រោងនេះត្រូវបានព្រឹទ្ធសភាអនុម័តកាលពីថ្ងៃម្សិលមិញនាសម័យប្រជុំវិសាមញ្ញរបស់ខ្លួន។
ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃសុក្រ ទី៣ ខែមេសា ឆ្នាំ២០២០
រដ្ឋាភិបាលអនុម័តលើគម្រោងវិនិយោគចំនួន ៧ ដែលមានទឹកប្រាក់ជិត ២០០លានដុល្លារអាមេរិក
ភ្នំពេញ៖ ទោះបីជាការរីករាលដាលនៃជំងឺកូវីដ១៩ កំពុងជះឥទ្ធិពលអវិជ្ជមានដល់កំណើនសេដ្ឋកិច្ចក៏ដោយ ប៉ុន្តែកម្ពុជានៅតែបន្តទទួលបាននូវគម្រោងវិនិយោគចំនួន ៧ ថ្មីបន្ថែមទៀត ដែលមានទឹកប្រាក់សរុប ១៧៤,១ លានដុល្លារ និងបង្កើតការងារបានចំនួនជាង ៣ ពាន់កន្លែង។
ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃសុក្រ ទី៣ ខែមេសា ឆ្នាំ២០២០