ព័ត៌មានសេដ្ឋកិច្ច ក្នុងនិងក្រៅប្រទេស
home latest
ប្រាក់ចំណេញ TOYOTA ធ្លាក់ជាង ២០%
ក្រុងតូក្យូ ៖ ក្រុមហ៊ុនផលិតរថយន្ត Toyota របស់ប្រទេសជប៉ុន បានឱ្យដឹងកាលពីថ្ងៃពុធថា ប្រាក់ចំណេញសុទ្ធប្រចាំឆ្នាំសារពើពន្ធរបស់ខ្លួនបានធ្លាក់ចុះប្រហែល២៥% ទោះបីការលក់កើនឡើងខ្ពស់ក៏ដោយ ដោយសារការខាងបង់លើការវិនិយោគ ប៉ុន្តែក្រុមហ៊ុនព្យាករថានឹងកើនឡើងវិញនៅឆ្នាំខាងមុខ។
ប្រភពៈ ព័ត៌មានរបស់កាសែតភ្នំពេញ ប៉ូស្តិ៍ ចេញផ្សាយថ្ងៃព្រហស្បតិ៍ ទី០៩ ខែឧសភា ឆ្នាំ ២០១៩
ឱកាសហេដ្ឋារចនាសម្ព័ន្ធបានមកដល់ក្នុងតំបន់ហើយ
ប្រទេសថៃ ៖ ក្រោមអនុស្សរណៈនៃការយោគយល់គ្នាដែលត្រូវបានសម្រេចកាលពីសប្តាហ៍មុនរវាងសិង្ហបុរីនិងសហរដ្ឋអាមេរិក ភ្នាក់ងារមើលការខុសត្រូវហេដ្ឋារចនាសម្ព័ន្ធរបស់ប្រទេសទាំងពីរនឹងសហការជាមួយគ្នាដើម្បីសម្របសម្រួលកិច្ចព្រមព្រៀងវិស័យឯកជនក្នុងតំបន់ ផ្នែក ថាមពល ទឹក កាកសំណល់ ដឹកជញ្ជូន និងការអភិវឌ្ឍន៍ទីក្រុង។ វាកើតឡើងបន្ទាប់ពីសហរដ្ឋអាមេរិកប្រកាសពីគម្រោងផ្តល់ថវិកាសម្រាប់ហេដ្ឋារចនាសម្ព័ន្ធក្នុងតំបន់ឥណ្ឌូប៉ាស៊ីហ្វិក ដែលរួមមានកិច្ចព្រមព្រៀងនៅខែកក្តដា ឆ្នាំ២០១៨ ជាមួយអូស្រា្តលី និងជប៉ុនផងដែរ។
ប្រភពៈ ព័ត៌មានរបស់កាសែតកោះសន្តិភាព ចេញផ្សាយថ្ងៃពុធ ទី០៨ ខែឧសភា ឆ្នាំ ២០១៩
ធនាគារកណ្តាលចិននឹងទម្លាក់អនុបាតទុនបម្រុងកាតព្វកិច្ចធនាគារ
ក្រុងប៉េកាំង ៖ ធនាគារកណ្តាលប្រជាជនចិនឱ្យដឹងក្នុងសេចក្តីប្រកាសព័ត៌មានមួយថា ក្រុមអាជ្ញាធរនឹងកាត់បន្ថយអនុបាតទុនបម្រុងកាតព្វកិច្ច (RRR) នៅថ្ងៃទី១៥ ខែឧសភាក្នុងគោលបំណងបញ្ចុះការចំណាយលើការទទួលបានហិរញ្ញវត្ថុសម្រាប់ក្រុមហ៊ុនតូចៗ។ ការកាត់បន្ថយអនុបាត RRR ដែលធនាគាររក្សារទុកប្រាក់បម្រុងដែលជាវិធានការចុងក្រោយរបស់ទីក្រុងប៉េកាំងក្នុងការជំរុញសេដ្ឋកិច្ចមិននឹងនរមួយនេះក្រោយពី លោក ដូណាល់ត្រាំ កាលពីថ្ងៃអាទិត្យបានគំរាមកំហែងថា នឹងបង្កើនពន្ធនំាចូលលើទំនិញចិនដែលបង្កឱ្យប៉ះពាល់ដល់ការចរចារពាណិជ្ជកម្ម។
ប្រភពៈ ព័ត៌មានរបស់កាសែតភ្នំពេញ ប៉ុស្តិ៍ ចេញផ្សាយថ្ងៃអង្គារ ទី០៧ ខែឧសភា ឆ្នាំ ២០១៩
សេដ្ឋកិច្ចរបស់ប្រទេសឥណ្ឌូនេស៊ីកើនឡើងទាបជាងការរំពឹងទុករបស់ទីផ្សារ
ក្រុងហ្សាការតា ៖ សេដ្ឋកិច្ចប្រទេសដែលមានសេដ្ឋកិច្ចធំជាងគេនៅតំបន់អាស៊ីអគ្នេយ៍មួយនេះបានកើនឡើង ៥,០៧% ក្នុងរយៈពេល៣ខែដំបូងក្នុងឆ្នាំនេះ ដែលស្ទើរតែគ្មានកំណើនទាល់តែសោះបើធៀបនឹងរយៈពេលដូចគ្នាកាលពីឆ្នាំមុន និងមានកម្រិតទាបជាងការព្យាកររបស់ទីផ្សារដែលថាមានកំណើន ៥,១៨%។ មូលហេតុដែលនំាឱ្យសេដ្ឋកិច្ចរបស់ប្រទេសនេះកើនឡើងទាបដោយសារតែការនាំចូលបានធ្លាក់ចុះ បើធៀបនឹងរយៈពេលដូចគ្នាកាលពីឆ្នាំមុន ខណៈដែលផលិតផលក្នុងស្រុកសរុបបានធ្លាក់ចុះធៀបនឹងត្រីមាសទី៤ ឆ្នាំ២០១៨។
ប្រភពៈ ព័ត៌មានរបស់កាសែតភ្នំពេញ ប៉ុស្តិ៍ ចេញផ្សាយថ្ងៃអង្គារ ទី០៧ ខែឧសភា ឆ្នាំ ២០១៩
ប្រាក់ចំណូលរបស់ APPLE បានកើនហួសការរំពឹងទុក
សហរដ្ឋអាមេរិក ៖ ក្រុមហ៊ុន Apple Inc បានប្រកាសកាលពីថ្ងៃអង្គារ៍មុនថាពួកគេរកប្រាក់ចំណូលបាន៥៨ប៊ីលានដុល្លារសម្រាប់ត្រីមាសទី២នាឆ្នាំ២០១៩នេះ ដែលទាបជាងឆ្នាំមុន៥% ប៉ុន្តែនៅតែខ្ពស់ជាងការគិតទុករបស់ទីផ្សារ។ លោក Tim Cook ដែលជានាយកប្រតិបត្តិរបស់ក្រុមហ៊ុនក៏បានឱ្យដឹងដែរថា ប្រាក់ចំណូលបានពីសេវាកម្មដូចជា Apple Music, App Store និងអាជីវកម្មដទៃទៀតបានកើនដល់កម្រិតខ្ពស់ជាងគេរបស់ក្រុមហ៊ុនដែលស្មើ ១១.៥ ប៊ីលានដុល្លារផងដែរ។
ប្រភពៈ ព័ត៌មានរបស់កាសែតកោះសន្តិភាព ចេញផ្សាយថ្ងៃចន្ទ ទី០៦ ខែឧសភា ឆ្នាំ ២០១៩