ព័ត៌មានសេដ្ឋកិច្ច ក្នុងនិងក្រៅប្រទេស
home latest
អតិរេកពាណិជ្ជកម្មចិនជាមួយអាមេរិកធ្លាក់ជាង ៨%
ក្រុងប៉េកាំង៖ ទិន្នន័យបានបង្ហាញកាលពីថ្ងៃអង្គារថា អតិរេកពាណិជ្ជកម្មរបស់ប្រទេសចិន ជាមួយអាមេរិកបានរួមតូចកាលពីឆ្នាំមុន ខណៈប្រទេសមានសេដ្ឋកិច្ចធំជាងគេពីររបស់ពិភពលោកបានដកហូតពន្ធនាំចូលពិន័យទៅវិញទៅមកក្នុងសង្គ្រាមពាណិជ្ជកម្មកាន់តែខ្លាំងមួយ ខណៈប្រទេសទាំងពីរត្រៀមចុះហត្ថលេខាលើកិច្ចព្រមព្រៀងមួយ ដែលបន្ធូរបន្ថយភាពតានតឹង។ យោងតាមទិន្នន័យគយ អតិរេករបស់ប្រទេសចិនមានទំហំប្រហែល ២៩៥,៨ពាន់លានដុល្លារ កាលពីឆ្នាំ២០១៩ ធ្លាក់ចុះ ៨,៥ភាគរយ ធៀបនឹងចំនួនខ្ពស់បំផុត ៣២៣,៣ពាន់លានដុល្លារ កាលពីឆ្នាំ២០១៨។ កាលពីខែធ្នូ អតិរេករបស់ខ្លួនជាមួយអាមេរិកមានចំនួនប្រហែល ២៣,២ពាន់លានដុល្លារ ធៀបនឹង ២៤,៦ ពាន់លាន កាលពីខែវិច្ឆិកា។
ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃពុធ ទី១៥ ខែមករា ឆ្នាំ ២០២០
វិបត្តិសេដ្ឋកិច្ចរបស់ប្រទេសអាហ្សង់ទីន
អាហ្សង់ទីនត្រូវបានរំពឹងថានឹងជួបប្រទះការធ្លាក់ចុះសេដ្ឋកិច្ចបីឆ្នាំជាប់គ្នា ដោយមូលនិធិរូបិយវត្ថុអន្តរជាតិបានព្យាករថា សេដ្ឋកិច្ចនៅឆ្នាំ២០១៩ ត្រូវបានរំពឹងថានឹងធ្លាក់ចុះ -៣,១ភាគរយ និងធ្លាក់ចុះ -១,៣ភាគរយនៅឆ្នាំ២០២០នេះ បន្ទាប់ពីធ្លាក់ចុះ -២,៥ភាគរយ នៅឆ្នាំ២០១៨។ អត្រាអតិផរណារបស់ប្រទេសនេះរំពឹងថានឹងកើនឡើងដល់ ៤៨,៣ភាគរយ នៅឆ្នាំ២០១៩។
ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃពុធ ទី១ ខែមករា ឆ្នាំ ២០២០
ការវិនិយោគអចលនទ្រព្យរបស់កូរ៉េខាងត្បូងកំពុងជម្រុញឱ្យវៀតណាមកាន់តែខ្លាំងក្លាឡើង
ប្រទេសវៀតណាមដែលជាប្រទេសជិតខាងរបស់កម្ពុជាបានជាប់លំដាប់ទី២ សម្រាប់ការវិ-និយោគអចលនទ្រព្យពីសំណាក់វិនិយោគិនកូរ៉េខាងត្បូង ដែលធ្វើឲ្យវៀតណាមកំពុងរីកចម្រើនទីផ្សារអចលនទ្រព្យកម្រិតខ្ពស់។ តាមការវិភាគរបស់ក្រុមហ៊ុនអចលនទ្រព្យវៀតណាម The Chosunilbo បានឱ្យដឹងថា តាំងពីវៀតណាមបន្ធូរបន្ថយច្បាប់កម្មសិទ្ធលើអចលនទ្រព្យតាំងពីឆ្នាំ ២០១៥ មក មានជនបរទេសជាច្រើន បានសំរុកមកទិញអចលនទ្រព្យក្នុងប្រទេសនេះ ជាក់ស្ដែងខុនដូលក់ដាច់ខ្លាំងបំផុត។ ចំពោះជនជាតិកូរ៉េខាងត្បូង ភាគច្រើនទិញខុនដូកម្រិតខ្ពស់ ដែលមានតម្លៃខ្ទង់ ២៦៩,០០០ ដុល្លារ និងធ្វើឲ្យសេដ្ឋកិច្ចរបស់វៀតណាមកើនឡើងខ្ពស់ ហើយប្រជាជនជាច្រើនបាននាំគ្នាព្យាយាមទិញអចលនទ្រព្យច្រើនតាមដែលអាចធ្វើបាន ពិសេសគឺផ្ទះ និងអាផាតមិន ព្រោះគេរំពឹងថា វានឹងចំណេញខ្លាំងនៅរយៈពេល ១០ ឆ្នាំក្រោយ។
ប្រភពៈ ព័ត៌មានរបស់គេហទំព័រ www.business-cambodia.com ចេញផ្សាយថ្ងៃអង្គារ ទី៣១ ខែធ្នូ ឆ្នាំ ២០១៩
ប្រភពៈ ព័ត៌មានរបស់កាសែតភ្នំពេញ ប៉ុស្តិ៍ ចេញផ្សាយថ្ងៃសុក្រ ទី២៣ ខែធ្នូ ឆ្នាំ ២០១៩
ក្រុងតូក្យូ៖ ប្រទេសជប៉ុនបានលុបចោលការដាក់កំរឹតលើការនាំចេញសម្ភារៈសម្រាប់ផលិតមីក្រូឈីបដ៏សំខាន់ទៅកាន់ប្រទេសកូរ៉េខាងត្បូង ដែលធ្វើឡើងប៉ុន្មានថ្ងៃមុនពេលមេដឹកនាំរបស់ប្រទេសទាំងពីរជួបគ្នាពិភ្សាជាផ្លូវការជាលើដំបូងរបស់ខ្លួនក្នុងរយៈពេលជាងមួយឆ្នាំ។ នេះបើយោងតាមសេចក្តីរាយការណ៍ព័ត៌មានផ្លូវការកាលពីថ្ងៃសៅរ៍។ លោកស៊ីនហ្សូ អាបេ នាយករដ្ឋមន្ត្រីជប៉ុនគ្រោងជួបលោក មូន ជេអ៊ីន ប្រធានាធិបតីកូរ៉េខាងត្បូងក្នុងកិច្ចប្រជុំកំពូលមួយនៅប្រទេសចិនសប្តាហ៍នេះ៕
ប្រភពៈ ព័ត៌មានរបស់កាសែតភ្នំពេញ ប៉ុស្តិ៍ ចេញផ្សាយថ្ងៃសុក្រ ទី២៣ ខែធ្នូ ឆ្នាំ ២០១៩
ទីផ្សារប្រេងនៅតែអតុល្យភាពបើទោះបីជាមានការកាត់បន្ថយផលិត
ក្រុងប៉ារីស៖ កាលពីថ្ងៃសុក្រសប្តាហ៍មុន អង្គការប្រទេសនាំចេញប្រេង (OPEC) និងសម្ព័ន្ធមិត្តរបស់ខ្លួន សម្រេចបានកិច្ចព្រមព្រៀងមួយដើម្បីកាត់បន្ថយការផលិតប្រេងឆៅចំនួន ៥សែនបារ៉ែលក្នុង១ថ្ងៃ ក្នុងគោលបំណងដើម្បីគាំទ្រតម្លៃដែលបានស្ថិតក្រោមសម្ពាធដោយសារតែស្តុកប្រេងឆៅលើសតម្រូវការ និងកំណើនសេដ្ឋកិច្ចពិភពលោកខ្សោយ។
ប្រភពៈ ព័ត៌មានរបស់កាសែតភ្នំពេញ ប៉ុស្តិ៍ ចេញផ្សាយថ្ងៃសុក្រ ទី១៣ ខែធ្នូ ឆ្នាំ ២០១៩