ព័ត៌មានសេដ្ឋកិច្ច ក្នុងនិងក្រៅប្រទេស

home latest
ការនាំចូលពីប្រទេសចិនទៅកាន់ជប៉ុនក្នុងខែកុម្ភៈធ្លាក់ចុះទាបបំផុតចាប់ពីឆ្នាំ១៩៨៦

ទីក្រុងតូក្យូ៖ ការនាំចូលរបស់ជប៉ុនពីប្រទេសចិនធ្លាក់ចុះយ៉ាងខ្លាំងកាលពីខែកុម្ភៈ ធៀបនឹងរយៈពេលដូចគ្នាកាលពីឆ្នាំមុន ដែលធ្លាក់ចុះដល់ចំនុចទាបបំផុតចាប់តាំងពីឆ្នាំ១៩៨៦ នៅពេលការផ្ទុះឡើងនៃកូវីដ១៩ បានរំខានដល់ពាណិជ្ជកម្ម។ ក្នុងខែកុម្ភៈ ការនាំចូលពីប្រទេសចិនដែលជាដៃគូពាណិជ្ជកម្មធំបំផុតរបស់ប្រទេសជប៉ុនស្របគ្នានឹងសហរដ្ឋអាមេរិកដែរនោះបានធ្លាក់ចុះ ៤៧,១ភាគរយ ដល់ ៦៧៣,៤​ពាន់លានយ៉េន (៦,៣ពាន់លានដុល្លារអាមេរិក) ខណៈការនាំចេញរបស់ជប៉ុនបានរអិលចុះ ០,៤ភាគរយ ដល់ ១,១៤ពាន់ពាន់លានយ៉េន។

ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃព្រហស្បតិ៍ ទី១៩ ខែមីនា ឆ្នាំ ២០២០


នូវែលសេឡង់នឹងបញ្ចេញទឹកប្រាក់ $៧,៣ពាន់លាន ជួយដល់សេដ្ឋកិច្ច

ក្រុងវ៉ែលលីងតុន៖ រដ្ឋាភិបាលប្រទេសនូវែលសេឡង់ បានប្រកាសកញ្ចប់ទឹកប្រាក់ ១២,១ពាន់លានដុល្លារនូវែលសេឡង់ (ប្រមាណ ៧,៣ពាន់លានដុល្លារអាមេរិក) កាលពីថ្ងៃអង្គារ ដើម្បីប្រឆាំងទៅនឹងក្តីកង្វល់ផ្នែកសេដ្ឋកិច្ចដែលបណ្តាលមកពីការរាលដាលវីរុសកូវីឌ១៩។

ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃពុធ ទី១៨ ខែមីនា ឆ្នាំ ២០២០


ផលិតផលឧស្សាហកម្មចិនធ្លាក់ចុះលើកដំបូងក្នុងរយៈពេល ៣ទសវត្សរ៍

ទីក្រុងប៉េកាំង៖ ទិន្នន័យផ្លូវការបានបង្ហាញកាលពីថ្ងៃចន្ទថា ផលិតកម្មឧស្សាហកម្មរបស់ប្រទេសចិនបានធ្លាក់ចុះជាលើកដំបូងក្នុងរយៈពេល ៣ទសវត្សរ៍ ដោយសារតែការរីករាលដាលវីរុសកូរ៉ូណា បានបង្កផលប៉ះពាល់ដល់សេដ្ឋកិច្ច។ ផលិតកម្មឧស្សាហកម្មចិនក្នុងខែមករា និងខែកុម្ភៈបានធ្លាក់ចុះ ១៣,៥ភាគរយក្នុងរយៈពេល ២ខែដំបូងឆ្នាំនេះ ដែលបានបង្ហាញភាពអាក្រក់ជាងការស្ទង់មតិរបស់ទីភ្នាក់ងារព័ត៌មាន Bloomberg ក្នុងចំណោមក្រុមអ្នកវិភាគដែលបានព្យាករការធ្លាក់ចុះ ៣ភាគរយធៀបនឹងឆ្នាំមុន។

ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃអង្គារ ទី១៧ ខែមីនា ឆ្នាំ ២០២០


កូវីដ ១៩ នឹងធ្វើឱ្យប៉ះពាល់ដល់ឱកាសការងារសម្រាប់ប្រជាជនវ័យក្មេង

ក្រុងហ្សឺណែវ៖ អង្គការ​សហប្រជាជាតិ​បាន​ព្រមាន​កាលពី​ថ្ងៃ​ចន្ទ​ថា គ្រប់​វិធានការ​ដើម្បី​ដោះស្រាយ​វិបត្តិ​វីរុស​កូរ៉ូណា​អាច​ប៉ះពាល់​យ៉ាងខ្លាំង ជាពិសេស​លើ​លទ្ធភាព​ក្នុង​ការទទួល​បាន​ការងារ​ធ្វើ​របស់​ប្រជាជន​វ័យក្មេង ខណៈ​អត្រា​គ្មាន​ការងារ​ធ្វើ​បាននិង​កំពុង​កើនឡើង​ខ្ពស់​។ លោក Sangheon Lee ប្រធាន​នាយកដ្ឋាន​គោលនយោបាយ​ការងារ​របស់​អង្គការ​អន្តរជាតិ​ខាង​ការងារ (ILO) ​បាន​ចង្អុលបង្ហាញថា ប្រជាជន​វ័យក្មេង​ភាគច្រើន​មាន​ទំនោរ​ទៅរក​ការងារ​បណ្ដោះអាសន្ន បត់បែន និង​អស្ថិរភាព​កាន់តែ​ខ្លាំង​ដែល​ជា​រឿយៗ​នៅក្នុង​វិស័យ​សេវាកម្ម​ដែល​បាន​រង​ផលប៉ះពាល់​យ៉ាងខ្លាំង​ដោយ​ការធ្លាក់ចុះ​តម្រូវការ​អតិថិជន ខណៈ​ប្រជាជន​គេច​ចេញពី​ទីកន្លែង​សាធារណៈ​។ ក្នុង​របាយការណ៍​ថ្មី​មួយ ទីភ្នាក់ងារការងារ​របស់ UN បាន​ប៉ាន់ប្រមាណ​ថា អត្រា​គ្មាន​ការងារ​ធ្វើ​របស់​យុវវ័យ​លើ​ពិភពលោក​បាន​កើនឡើង​ខ្លាំង​ក្នុង​រយៈពេល ២០ ​ឆ្នាំ​ចុង​ក្រោយនេះ​ដល់​កម្រិត​ខ្ពស់បំផុត ១៣,៦ ​ភាគរយ​កាលពី​ឆ្នាំមុន​។ អង្គការ ILO បាន​ឲ្យ​ដឹងថា ប៉ុន្តែ​ការបារម្ភ​កាន់តែ​ខ្លាំង​គឺថា​ជាង​ ១ ​ភាគ​ ៥ ​នៃ​ប្រជាជន​មាន​អាយុ​ពី ១៥ ​ឆ្នាំ​ដល់​ ២៤ ​ឆ្នាំ​របស់​ពិភពលោក គឺ​មិនមាន​ការងារ​ធ្វើ មិន​ចូលរៀន ឬ​ការបណ្ដុះបណ្ដាល​ការងារ​នោះទេ​។

ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃពុធ ទី១១ ខែមីនា ឆ្នាំ ២០២០


ជប៉ុនបានអះអាងពីការធ្លាក់ចុះកំណើនសេដ្ឋកិច្ចនៅក្នុងត្រីមាសទី៤

តូក្យូ៖ ជប៉ុន​បាន​អះអាង​កាលពី​ថ្ងៃ​ចន្ទ​ថា សេដ្ឋកិច្ច​របស់ខ្លួន​បាន​ធ្លាក់ចុះ​ច្រើន​ក្នុង​ត្រីមាសទី​៤ ដោយ​បង្ហាញ​ពី​ភាពផុយស្រួយ​នៃ​សេដ្ឋកិច្ច​របស់ខ្លួន​នៅមុន​ការ​ផ្ទុះឡើង​នៃ​មេរោគ​កូវីដ​ ១៩ ​បានចាប់ផ្តើម ​ដែល​គំរាម​ដល់​ការរីក​លូតលាស់​របស់​ពិភពលោក​។ តួលេខ​កែសម្រួល​ឡើងវិញ​ដ៏​អាប់អួរ​នេះ​បាន​នាំ​ឲ្យ​អ្នក​សេដ្ឋកិច្ច​ប៉ាន់ប្រមាណ​ថា ជប៉ុន​ងាក​ទៅរក​ការដើរថយក្រោយ​ជា​លើកដំបូង​របស់ខ្លួន​ចាប់តាំងពី​ឆ្នាំ​២០១២ ជាមួយ​ការផ្ទុះ​មេរោគ​ដែល​នាំ​ទៅ​ដល់​ការនាំចេញ​ធ្លាក់ចុះ​។ ផលិតផល​ក្នុងស្រុក​សរុប​សម្រាប់​ត្រីមាស​ចុងក្រោយ​របស់​ប្រទេស​នេះ​ដែល​ត្រូវបាន​ពិនិត្យ​ឡើងវិញ​មាន​ការធ្លាក់ចុះ​ចំនួន​ ១,៨​ភាគរយ ហើយ​ត្រូវបាន​គេ​ព្យាករ​ថា បន្ត​ធ្លាក់ចុះ​បន្ថែម​ទៀត​ពី​ ១,៦ ​ភាគរយ​នៅក្នុង​ខែកុម្ភៈ​។

ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃអង្គារ ទី១០ ខែមីនា ឆ្នាំ ២០២០


  • ការនាំចេញរបស់ចិនធ្លាក់ចុះយ៉ាងគំហុកនៅដើមឆ្នាំ២០២០
  • សេដ្ឋកិច្ចអូស្ត្រាលីកើន ០,៥% នៅក្នុងត្រីមាសចុងក្រោយ
  • ក្រុមហ៊ុនសាំស៊ុងចាប់ផ្តើមសាងសង់មជ្ឈមណ្ឌលស្រាវជ្រាវ និង អភិវឌ្ឍន៍តម្លៃ ២២០លានដុល្លារនៅវៀតណាម
  • អ៊ីតាលីសន្យាបញ្ចេញប្រាក់ជួយវិស័យរងគ្រោះពីវីរុសថ្មី
  • GDP ជប៉ុនធ្លាក់ចុះខ្លាំងក្នុងត្រីមាសចុងក្រោយឆ្នាំមុន
  • សិង្ហបុរីទម្លាក់ការព្យាករកំណើនសេដ្ឋកិច្ចដោយសារវីរុសថ្មី
  • អង់គ្លេសគ្រោងបង្កើតកំពង់ផែសេរីចំនួន ១០ ក្រោយចាកចេញពីអឺរ៉ុប
  • វិស័យទេសចរណ៍ពិភពលោករងផលប៉ះពាល់ខ្លាំងដោយសារការរីករាលដាលវីរ៉ុសកូរ៉ូណាប្រភេទថ្មី
  • អត្រាការប្រាក់គោលរបស់អាមេរិក
  • ឱនភាពថវិកាអាមេរិកនឹងកើនខ្ពស់ជាង $១ពាន់ពាន់លានដុល្លារ