ព័ត៌មានសេដ្ឋកិច្ច ក្នុងនិងក្រៅប្រទេស

home latest
កម្ពុជានាំចេញស្វាយចន្ទីកើនឡើងជាង ២០% រយៈពេល ៩ខែ ទៅទីផ្សារប្រទេសចំនួន១០

ភ្នំពេញ៖ កម្ពុជាបាននាំចេញគ្រាប់ស្វាយចន្ទីសម្រេចបានជាង ២០ម៉ឺនតោន កើន ២០,៥១ភាគរយ ទៅកាន់ទីផ្សារនៃប្រទេសមួយចំនួនដូចជា វៀតណាម ថៃ ជប៉ុន រុស្ស៊ី ចិន ហុងកុង បារាំង កូរ៉េ តួកគី និងបង់ក្លាដែស ក្នុងរយៈពេល ៩ខែ ឆ្នាំ២០២០ បើធៀបនឹងរយៈពេលដូចគ្នាកាលពីឆ្នាំមុន ខណៈក្រុមហ៊ុនជប៉ុនបានចាប់ដៃគូជាមួយសិប្បកម្មក្នុងស្រុក ដើម្បីពង្រីកផលិតកម្ម និងត្រៀមនាំចេញ។ នេះបើយោងតាមក្រសួងកសិកម្ម រុក្ខាប្រមាញ់ និងនេសាទ។

ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃសុក្រ ទី១៦ ខែតុលា ឆ្នាំ២០២០


MOU ជំរុញផលិតកម្មបន្លែសុវត្ថិភាពតាមស្តង់ដាកសិកម្មល្អ (GAP)

ភ្នំពេញ៖ ក្រសួងកសិកម្ម រុក្ខប្រមាញ់ និងនេសាទ នៅថ្ងៃទី១៥ ខែតុលានេះ បានចុះអនុស្សរណៈយោគយល់គ្នា (MoU) ជាមួយក្រុមហ៊ុនឯកជន សមាគមនានាយ៉ាងហោចណាស់៦ លើការអភិវឌ្ឍមជ្ឈមណ្ឌលបន្លែសុវត្ថិភាពគំរូ និងជំរុញខ្សែចង្វាក់តម្លៃបន្លែសុវត្ថិភាពតាមស្តង់ដាការអនុវត្តកសិកម្មល្អ (GAP) ដើម្បីបំពេញតម្រូវការបន្លែក្នុងស្រុក និងឆ្ពោះទៅនាំចេញ។

ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃព្រហស្បតិ៍ ទី១៥ ខែតុលា ឆ្នាំ២០២០


ចំណូលពន្ធអាករកើនជិត ៤% ក្នុងត្រីមាសទី៣ ដល់ជាង $៨០លាន

ភ្នំពេញ៖ របាយការណ៍នៃកិច្ចប្រជុំបូកសរុបលទ្ធផលចំណូលពន្ធដារប្រចាំខែកញ្ញា និងត្រីមាសទី៣ ឆ្នាំនេះ របស់អគ្គនាយកដ្ឋានពន្ធដារកាលពីថ្ងៃចន្ទបានឱ្យដឹងថា ចំណូលពន្ធអាករដែលអគ្គនាយដ្ឋានពន្ធដារប្រមូលបានមានចំនួន ២ ២២៥,៩៥លានដុល្លារ ក្នុងឆ្នាំ២០២០ កើន ៨០,៣១លានដុល្លារ ស្មើនឹង ៣,៧១ភាគរយ ធៀបនឹងរយៈពេលដូចគ្នាកាលពីឆ្នាំមុន។ ដោយឡែកសម្រាប់ខែកញ្ញា ឆ្នាំនេះការប្រមូលចំណូលពន្ធអាករគ្រប់ប្រភេទ​របស់អគ្គនាយកដ្ឋានពន្ធដារសម្រេចបានចំនួន ១៨៦,២២លានដុល្លារ ថយចុះប្រមាណ ៤២,៩៨លានដុល្លារ ស្មើនឹង ១៨,៧៥ភាគរយ ធៀបនឹងខែកញ្ញាឆ្នាំមុន។

ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃពុធ ទី១៤ ខែតុលា ឆ្នាំ២០២០


កម្ពុជានាំចេញដំឡូងមីកើន ៤៩% រយៈពេល ៩ខែ

ភ្នំពេញ៖ ប្រទេសកម្ពុជាបាននាំចេញផលិតផលពីដំឡូងមីជិត ៣លានតោន ទៅកាន់ទីផ្សារអន្តរជាតិយ៉ាងហោច ១០ ប្រទេសនៅទ្វីបអាស៊ី និងអឺរ៉ុប ដោយមានកំណើនជិត ៤៩ភាគរយ ក្នុងរយៈពេល ៩ខែ ដើមឆ្នាំ២០២០ ធៀបនឹងរយៈពេលដូចគ្នាកាលពីឆ្នាំមុន។ របាយការណ៍របស់ក្រសួងកសិកម្ម រុក្ខាប្រមាញ់ និងនេសាទបានឱ្យដឹងថា ក្នុងរយៈពេលនេះកម្ពុជាបាននាំចេញដំឡូងមីស្រស់ចំនួនជាង ១,៧៨លានតោន និងចំណិតដំឡូងមីក្រៀមចំនួនជាង ១,២លានតោន ទៅកាន់ទីផ្សារប្រទេសវៀតណាម និងថៃ និងការនាំចេញម្សៅដំឡូងមីចំនួន ១២ ០០០តោន ទៅកាន់ទីផ្សារនៃប្រទេសឥណ្ឌា ចិន បែលហ្ស៊ិក ហូឡង់ ប៉ាគីស្ថាន សាធារណរដ្ឋឆែក ក្រូអាស៊ី និងអ៊ីតាលី។

ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃពុធ ទី១៤ ខែតុលា ឆ្នាំ២០២០


PPAP នៅតែរក្សាបានកំណើន ទោះបីសេដ្ឋកិច្ចសកលធ្លាក់ចុះ

ភ្នំពេញ៖ ក្រុមហ៊ុនកំពង់ផែស្វយ័តភ្នំពេញ (PPAP) បានរាយការណ៍ប្រតិបត្តិការអាជីវកម្មវិជ្ជមានក្នុងរយៈពេល ៩ខដំបូងឆ្នាំនេះ ទោះបីប្រឈមនឹងបញ្ហានៃការធ្លាក់ចុះសេដ្ឋកិច្ចពិភពលោកក៏ដោយ។ របាយការណ៍របស់ PPAP ដែលផ្ញើទៅក្រុមហ៊ុនផ្សារមូលបត្រ​កម្ពុជា (CSX) កាលពីល្ងាចថ្ងៃចន្ទបង្ហាញថា កំពង់ផែនេះរកប្រាក់ចំណូលបានជាង ២២,២៦៤លានដុល្លារ នៅក្នុងរយៈពេល ៩ខែដំបូង ធៀបនឹង ២១,៧០៧លានដុល្លារ ក្នុងរយៈពេលដូចគ្នាកើនឡើង ២,៤៦ភាគរយ។

ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃពុធ ទី១៤ ខែតុលា ឆ្នាំ២០២០


  • កម្ពុជានឹងមានលទ្ធភាពការនាំចេញ និង ទទួលបានការវិនិយោគកាន់តែច្រើនពីចិន បន្ទាប់ពី FTA ចូលជាធរមាន
  • DGB បានប្រែក្លាយខ្លួនជាធនាគារពាណិជ្ជក ដើម្បីពង្រីកអាជីវកម្មនៅកម្ពុជា
  • ការនាំចេញជលផលនេសាទធ្លាក់ចុះ ដោយសារតម្រូវការក្នុងស្រុកកើន
  • រដ្ឋាភិបាលដាក់ផែនការវិនិយោគសាធារណៈជិត $១៣ ពាន់លាន ដល់ឆ្នាំ២០២៣
  • កម្ពុជា-កូរ៉េ បញ្ចប់ការចរចា FTA ជុំទី៣ ខណៈជាមួយចិននឹងចុះហត្ថលេខាថ្ងៃនេះ
  • ក្រុមហ៊ុន DAI-ICHI ចាប់ដៃជាមួយ METFONE ក្នុងការផ្តល់សេវាធានារ៉ាប់រងឌីជីថលដល់អតិថិជន
  • ការនាំចេញកៅស៊ូកើនតិចតួច ឯតម្លៃធ្លាក់ចុះបន្តិច
  • ព្រីនស៍សម្ពោធមណ្ឌលកម្សាន្តខ្នាតយក្សវិនិយោគ $៨៥ លាន
  • ទូតកម្ពុជាស្នើក្រុមហ៊ុន HARIM វិនិយោគបង្កើតរោងចក្រចំណីសត្វ
  • ចំណូលនាំចេញអង្ករកើនជាង ១០% ខណៈអង្ករដំណើបទាក់ទាញថ្មី