ព័ត៌មានសេដ្ឋកិច្ច ក្នុងនិងក្រៅប្រទេស
home latest
ចំនួនកុងតឺន័រឆ្លងកាត់កំពង់ផែក្រុងព្រះសីហនុ មានកំណើនជិត ៥%
ភ្នំពេញ៖ ទិន្នន័យដែលទទួលបានពីលោក លូ គឹមឈន់ ប្រធានអគ្គនាយកកំពង់ផែស្វយ័តក្រុងព្រះសីហនុកាលពីថ្ងៃចន្ទបង្ហាញថា គិតចាប់ពីដើមឆ្នាំ២០២០ រហូតដល់ថ្ងៃទី១០ ខែឧសភា កំពង់ផែស្វយ័តព្រះសីហនុ ទទួលទូកុងតឺន័រឆ្លងកាត់សរុប ២១៨ ០៥០ (TEUs) កើន ៤,៩២ភាគរយ បើធៀបនឹងរយៈពេលដូចគ្នាឆ្នាំ២០១៩ ដែលមាន ២០៧ ៨១៨ (TEUs)។
ប្រភពៈ ព័ត៌មានរបស់គេហទំព័រកាសែតភ្នំពេញប៉ុស្តិ៍ចេញផ្សាយថ្ងៃអង្គារ ទី១២ ខែឧសភា ឆ្នាំ២០២០
ការនាំចូលជី និងថ្នាំកសិកម្មកើនជាង ៩ភាគរយ
ភ្នំពេញ៖ យោងតាមរបាយការណ៍របស់ក្រសួងកសិកម្ម រុក្ខាប្រមាញ់ និងនេសាទ កម្ពុជាបាននាំចូលជី និងថ្នាំកសិកម្មក្នុងបរិមាណជាង ១,២លានតោន កាលពីឆ្នាំ២០១៩ កើនជាង ៩ភាគរយ បើធៀបទៅនឹងឆ្នាំ២០១៨ ដែលមានចំនួនជាង ១,១លានតោន។
ប្រភពៈ ព័ត៌មានរបស់គេហទំព័រកាសែតភ្នំពេញប៉ុស្តិ៍ចេញផ្សាយថ្ងៃពុធ ទី៦ ខែឧសភា ឆ្នាំ២០២០
វិស័យទេសចរណ៍រងឥទ្ធិពលខ្លាំងពីវីរុសកូវីដ១៩
ភ្នំពេញ៖ ទិន្នន័យពីក្រសួងទេសចរណ៍ដែលភ្នំពេញប៉ុស្តិ៍ទើបទទួលបានបង្ហាញថា នៅក្នុងរយៈពេល ៣ខែដំបូង ឆ្នាំ២០២០ កម្ពុជាទទួលបានភ្ញៀវទេសចរសរុប ១ ១៥៥ ២២៦នាក់ ធ្លាក់ចុះ ៣៨,៥ភាគរយ ធៀបនឹងរយៈពេលដូចគ្នាឆ្នាំ២០១៩ ដែលមានចំនួន ១ ៨៧៧ ៨៥៣នាក់។ ក្នុងនោះភ្ញៀវធ្វើដំណើរតាមផ្លូវអាកាសមានចំនួន ៦៦៣ ៦៤១នាក់ ធ្លាក់ចុះ ៤៨,៩ភាគរយ ចំណែកភ្ញៀវធ្វើដំណើរតាមផ្លូវគោក និងទឹកមានចំនួន ៤៩១ ៥៨៥នាក់ ធ្លាក់ចុះ ១៥,១ភាគរយ។ លោក តុប សុភ័ក អ្នកនាំពាក្យក្រសួងទេសចរណ៍បានឱ្យដឹងថា មូលហេតុតែមួយគត់ ដែលធ្វើឱ្យភ្ញៀវទេសចរបរទេសមកទស្សនាកម្ពុជាធ្លាក់ចុះគឺដោយសារការរីករាលដាលនៃជំងឺកូវីដ១៩ ព្រោះការផ្ទុះឡើងនៃជំងឺនេះបានធ្វើឱ្យមនុស្សមានការភ័យខ្លាច ហើយអាជ្ញាធររបស់ប្រទេសនីមួយៗក៏បានរឹតបន្តឹងការធ្វើដំណើរដើម្បីបង្ការការឆ្លងរាលដាលជំងឺកូវី១៩។
ប្រភពៈ ព័ត៌មានរបស់គេហទំព័រកាសែតភ្នំពេញប៉ុស្តិ៍ចេញផ្សាយថ្ងៃពុធ ទី៦ ខែឧសភា ឆ្នាំ២០២០
ការនាំចេញផលដំឡូងមីមានកំណើនតិចតួចនៅក្នុងត្រីមាសទី១
ភ្នំពេញ៖ របាយការណ៍ក្រសួងកសិកម្ម រុក្ខាប្រមាញ់ និងនេសាទបានឱ្យដឹងថា ក្នុងរយៈពេល ៣ខែដំបូង ឆ្នាំ២០២០ ការនាំចេញដំឡូងមីពីកម្ពុជាសម្រេចបាន ១ ១១៥ ៣៦៥ តោន កើនឡើងជិត ២ភាគរយ បើធៀបនឹងរយៈពេលដូចគ្នាកាលពីឆ្នាំមុនដែលមានចំនួន ១ ០៩៧ ៨០៣តោន។ ផលដំឡូងមីដែលនាំចេញរួមាមាន ចំណិតដំឡូងមី ដំឡូងមីស្រស់ ម្សៅដំឡូងមី និងកាកសំណល់ដំឡូងមី ហើយត្រូវបាននាំទៅទីផ្សារប្រទេសថៃ វៀតណាម ឥណ្ឌា ចិន និងបែលហ្ស៊ិក។
ប្រភពៈ ព័ត៌មានរបស់គេហទំព័រកាសែតភ្នំពេញប៉ុស្តិ៍ចេញផ្សាយថ្ងៃព្រហស្បតិ៍ ទី៣០ ខែមេសា ឆ្នាំ២០២០
ការនាំចេញទឹកមាត់ត្រចៀកកាំជាផ្លូវការទៅប្រទេសចិនអាចពន្យារដល់ឆ្នាំក្រោយ
ភ្នំពេញ៖ ផែនការនាំចេញផលិតផលទឹកមាត់ត្រចៀកកាំពីកម្ពុជាទៅប្រទេសចិនដែលរំពឹងថានឹងអាចកើតឡើងផ្លូវការនៅចុងឆ្នាំ២០២០នេះ អាចនឹងត្រូវពន្យារពេល ខណៈដែលនីតិវិធី និងការបំពេញព័ត៌មានដែលភាគីចិនបញ្ជូនមកនៅមានភាពស្មុគស្មាញដែលទាមទារឱ្យមានការសិក្សាបន្ថែម។ ម្យ៉ាងទៀតព័ត៌មានមួយចំនួនដែលក្រសួងបញ្ជូនទៅឱ្យផ្នែកឯកជនជួយបំពេញក៏មិនទាន់មានលក្ខណៈគ្រប់ជ្រុងជ្រោយតាមការចង់បាននោះដែរ។ នេះបើតាមមន្ត្រីជាន់ខ្ពស់ក្រសួងកសិកម្ម រុក្ខាប្រមាញ់ និងនេសាទ។
ប្រភពៈ ព័ត៌មានរបស់គេហទំព័រកាសែតភ្នំពេញប៉ុស្តិ៍ចេញផ្សាយថ្ងៃសុក្រ ទី១ ខែឧសភា ឆ្នាំ២០២០