ព័ត៌មានសេដ្ឋកិច្ច ក្នុងនិងក្រៅប្រទេស

home latest
កម្ពុជា-អង់គ្លេសសន្យាជំរុញទំហំពាណិជ្ជកម្មទ្វេភាគីជាមួយគ្នា

ភ្នំពេញ៖  កម្ពុជា និងចក្រភពអង់គ្លេសប្តេជ្ញាថា នឹងជំរុញកិច្ចសហប្រតិបត្តិការពាណិជ្ជកម្មទ្វេភាគីបន្ថែមទៀត ខណ:ពេលប្រទេសទាំង២ កំពុងសម្លឹងពីលទ្ធផលនៃការបង្កើតកិច្ចព្រមព្រៀងពាណិជ្ជកម្មសេរីទ្វេភាគី(FTA)ជាមួយគ្នា ។ ទំហំពាណិជ្ជកម្មទ្វេភាគីកាលពីឆ្នាំ២០១៩ មានទឹកប្រាក់ ១,០៥ ពាន់លានដុល្លារដោយការនាំចេញរបសើកម្ពុជាទៅទីផ្សារចក្រភពអង់គ្លេសមានតម្លៃ ៩៧៨លានដុល្លារ ។ ផលិតផលសំខាន់របស់កម្ពុជានាំចេញទៅអង់គ្លេសរួមមាន សម្លៀកបំពាក់ ស្បែកជើង កង់ និងអង្ករ ។

ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃចន្ទ ទី២១ ខែកញ្ញា ឆ្នាំ២០២០


កម្ពុជាស្នើកម្ចី$៦៥លានពីធនាគារ AIIB ដើម្បីពង្រឹងផលិតភាព

ភ្នំពេញ៖  រដ្ឋាភិបាលកម្ពុជាបានស្នើសុំកម្ចីពីធនាគារវិនិយោគហេដ្ឋាសម្ព័ន្ធអាស៊ី(AIIB) របស់ប្រទេសចិន ។ ការស្នើសុំផ្តល់ជំនួយហិរញ្ញវត្ថុនេះគឺស្ថិតក្រោម ”កម្មវិធីជាតិស្តារសមត្ថភាពផលិតភាពជនបទឡើងវិញ” ដែលមានទឹកប្រាក់សរុបចំនួន ៦៥លានដុល្លារនៃគម្រោងហេដ្ឋារចនាសម្ព័ន្ធស្តារវិបត្តិជំងឺកូវីដ១៩ ឡើងវិញរបស់ធនាគារ  AIIB ដែលមានអត្រាការប្រាក់ជាលក្ខណ:សម្បទាន ។

ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃសុក្រ ទី១១ ខែកញ្ញា ឆ្នាំ២០២០


រោងចក្រអគ្គិសនីតម្លៃ$៣៨០លាន នឹងរួចរាល់ខែវិច្ឆិកា

ភ្នំពេញ៖ រោងចក្រផលិតអគ្គិសនីដើរដោយប្រេងខ្មៅដែលមានសមត្ថភាពផលិតថាមពលអគ្គិសនី៤០០មេហ្គាវ៉ាត់ ដែលមានតម្លៃសាងសង់៣៨០លានដុល្លារ នៅស្រុកល្វាឯម ខេត្តកណ្តាលនឹងត្រូវដាក់ឲ្យដំណើរការពេញលេញនៅខែវិចិ្ឆកាខាងមុខនេះ ។ បើគិតមកដល់ពេលនេះ ការសាងសង់សម្រេចបានប្រមាណ ៩០ភាគរយហើយ។

ប្រភពៈ ព័ត៌មានរបស់គេហទំព័រកាសែតភ្នំពេញប៉ុស្តិ៍ចេញផ្សាយថ្ងៃព្រហស្បតិ៍ ទី១០ ខែកញ្ញា ឆ្នាំ២០២០


ក្រសួងប្រកាសដាក់តំបន់ចំនួន២ សម្រាប់ឲ្យក្រុមហ៊ុនស្នើសុំអាជ្ញាប័ណ្ណរុករករ៉ែ

ភ្នំពេញ៖   សេចក្តីប្រកាសព័ត៌មានបានឲ្យដឹងថា ក្រសួងរ៉ែនិងថាមពលបានប្រកាសឲ្យបណ្តាក្រុមហ៊ុនជាតិ និងអន្តជាតិដាក់ពាក្យប្រកួតប្រជែងជាសាធារណ:សម្រាប់ទទួលអាជ្ញាប័ណ្ណស្វែងរកក្នុងតំបន់សម្បទានស្វែងរករ៉ែលោហ: និងរ៉ែលោហ: ចំនួន២ រួមមាន តំបន់សម្បទានស្វែងរករ៉ែទំហំ ១០៧,១គីឡូម៉ែត្រក្រឡាស្ថិតនៅស្រុកមេមត់ ខេត្តត្បូងឃ្មុំ និងទំហំ១០០គីឡូម៉ែត្រក្រឡា ស្ថិតនៅស្រុកអូរូយ៉ាដាវ ខេត្តរតនគិរី។ សាធារណជន បណ្តាក្រុមហ៊ុនជាតិ និងអន្តជាតិដែលចាប់អារម្មណ៍អាចមកស្នើសុំពាក្យសុំអាជ្ញាប័ណ្ណស្វែងរករ៉ែដែលមានត្រាបោះត្រឹមត្រូវនៅនាយកដ្ឋានឧស្សាហកម្មអាជីវកម្មធនធានរ៉ែនៃក្រសួងរ៉ែ និងថាមពល រៀងរាល់ម៉ោងធ្វើការ។

ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃពុធ ទី០៩ ខែកញ្ញា ឆ្នាំ២០២០


MVL TADA គ្រោងបញ្ចេញ$២០លាន សង់រោងចក្រដំឡើងម៉ូតូកង់៣

ភ្នំពេញ៖ ក្រុមហ៊ុន MVL TADA (Cambodia ) Co., Ltd មានគម្រោងបញ្ចេញថវិកាដំបូងប្រមាណ   ២០លានដុល្លារ     វិនិយោគលើការសាងសង់រោងចក្រដំឡើងម៉ូតូកង់៣ (តុក តុក)​ ដែលដំណើរការដោយអគ្គិសនី នៅក្នុងប្រទេសកម្ពុជានាចុងឆ្នាំ២០២០ ឬដើមឆ្នាំ២០២១ ខាងមុខ ដើម្បីបំពេញតម្រូវការប្រើប្រាស់ក្នុងស្រុក និងទីផ្សារក្នុងតំបន់ផងដែរ MVL TADA (Cambodia ) Co., Ltd គឺជាក្រុមហ៊ុនបុត្រសម្ព័ន្ធរបស់ក្រុមហ៊ុនដែលមានមូលដ្ឋានក្នុងប្រទេសកូរ៉េខាងត្បូង MVL និងបានចុះបញ្ជីនៅកម្ពុជា កាលពីដើមឆ្នាំ២០១៩។ ហើយបច្ចុប្បន្នកំពុងមានប្រតិបត្តិការនៅក្នុងប្រទេសវៀតណាម និងសិង្ហបុរីផងដែរ។

ប្រភពៈ ព័ត៌មានរបស់កាសែតភ្នំពេញប៉ុស្តិ៍ចេញផ្សាយថ្ងៃពុធ ទី០៩ ខែកញ្ញា ឆ្នាំ២០២០


  • ទំហំពាណិជ្ជកម្មទ្វេភាគីកម្ពុជា ជប៉ុន រយ:ពេល៧ខែ ធ្លាក់ចុះជិត ៦ភាគរយ
  • កម្ពុជារំពឹងថា នឹងមានផលិតផលអាហារបន្ថែមទៀតនាំទៅកូរ៉េ
  • ការនាំចេញអង្កររបស់កម្ពុជា បន្តកើនជាង៣០%
  • កម្ពុជា កំពុងចរចាលើ FTA ជុំទី២ ជាមួយកូរ៉េខាងត្បូង
  • កូរ៉េចាប់អារម្មណ៍ការវិនិយោគលើរោងចក្រផលិតចំណីសត្វ និងជី
  • NAGACORP ចង់អភិវឌ្ឍ IR នៅខេត្តសៀមរាបនិងព្រះសីហនុ
  • ក្រុមហ៊ុនអន្តរជាតិ ២ រួមគ្នាអភិវឌ្ឍទីផ្សារឧបករណ៍និស្សន្ទនៅកម្ពុជា
  • Kalmar នឹងផ្គត់ផ្គង់ឧបករណ៍ស្ទួច ឲ្យកំពុងផែស្វយ័តភ្នំពេញ
  • គោលការណ៍ស្ថិរភាពហិរញ្ញវត្ថុនឹងត្រូវពង្រីក
  • ក្រុមហ៊ុន PERSON & PEOPLE GROUP ចាប់អារម្មណ៍ចំពោះការវិនិយោគនៅកម្ពុជា